  Translation tool beta version. Translation quality may be not a good
| | ედუარდ კოკოითი წავიდა |  | Georgian News |
 ედუარდ კოკოითმა სამხრეთ ოსეთის მეთაურის თანამდებობიდან გადადგომა გადაწყვიტა, ხოლო ალა ჯიოევამ განმეორებით არჩევნებში მონაწილეობის უფლება მიიღო, იუწყება “GHN“. ასეთი გადაწყვეტილება მიღებულ იქნა ცხინვალში სამხრეთ ოსეთის ე. წ. პრეზიდენტობის ექს-კანდიდატს ალა ჯიოევასა და რუსეთის პრეზიდენტის ადმინისტრაციის წარმომადგენელს სერგეი ვინოკუროვს შორის წარმოებული მოლაპარაკებების შემდეგ. როგორც საინფორმაციო სააგენტო „რესი“ გადმოსცემს, მოლაპარაკებების შედეგი გახდა ედუარდ კოკოთისა და ალა ჯიოევას მიერ ხელმოწერილი შეთანხმება, რომლის შესაბამისადაც სეპარატისტთა ლიდერი 10 დეკემბერს უნდა გადამდგარიყო, ხოლო ჯიოევას თავისი მომხრეები ცხინვალის ცენტრალური მოედნიდან გაეყვანა. ამას გარდა, მას 2012 წლის 25 მარტს ე. წ. საპრეზიდენტო არჩევნებში მონაწილეობის უფლება ენიჭება.
|
|
Posted by Drakula | 10 Dec 2011, 18:56 | comments | პოლიტიკა | Score: 0 | Read More... |
| |
| | საქართველო ნატოს ასპირანტი ქვეყანა გახდა | | Georgian News |
 საქართველო პირველად იქნა ნახსენები ბრიუსელში მიღებულ ჩრდილოატლანტიკური ალიანსის ოფიციალურ დოკუმენტში ნატოს ასპირანტ ქვეყნად, განაცხადა ხუთშაბათს, 8 დეკებერს, საქართველოს ვიცე-პრემიერმა, ევროინტეგრაციის სახელმწიფო მინისტრმა გიორგი ბარამიძემ. ნატოს ჩრდილოატლანტიკური საბჭოს სხდომა ალიანსის 28 წევრი ქვეყნის საგარეო საქმეთა მინისტრთა დონეზე ოთხშაბათს, 7 დეკემბერს, მინისტრების ორდღიანი შეხვედრის ფარგლებში გაიხსნა.
|
|
Posted by Drakula | 09 Dec 2011, 21:42 | comments | პოლიტიკა | Score: 0 | Read More... |
| |
| | ლეიბორისტები შიშობენ, რომ სააკაშვილი და ივანიშვილი კოალიციურ მთავრობას შექმნიან | | Georgian News |
 ლეიბორისტები შიშობენ, რომ სააკაშვილი და ივანიშვილი შეძლებენ შეთანხმებასა და კოალიციური მთავრობის შექმნას, რომელშიც პრემიერი იქნება სააკაშვილი, ხოლო პარლამენტის თავმჯდომარე - ბიძინა ივანიშვილი. ან პირიქით... როგორც დღეს, 9 დეკემბერს, ლეიბორისტული პარტიის პოლიტიკურმა მდივანმა გიორგი გუგავამ განაცხადა, იმას, რომ სააკაშვილისა და ივანიშვილის გუნდებს შორის რაღაც შეთანხმება უკვე არსებობს, ბოლო სოციოლოგიური გამოკითხვების მონაცემები მოწმობს.
|
|
Posted by Drakula | 09 Dec 2011, 21:39 | comments | პოლიტიკა | Score: 0 | Read More... |
| |
| | ბაქრაძე: საქართველო რუსეთში არჩევნების შედეგებით უკმაყოფილოა | | Georgian News |
 საქართველოს პარლამენტის უფროსმა დავით ბაქრაძემ კიევში ვიდეოხიდის მსვლელობაში განაცხადა, რომ საქართველო რუსეთში არჩევნების შედეგებით უკმაყოფილოა. „რუსეთის მიმართ პოლიტიკური პროგნოზების კეთება უმადურია. მაგრამ მე ვუერთდები იმ საერთაშორისო მისიების მიერ რუსეთის არჩევნების შეფასებას, რომლებიც მათ თვალყურს ადევნებდნენ. რუსეთში მიმდინარე პროცესები საქართველოსა და უკრაინაზე აისახება. ის, რასაც დღეს რუსეთში ვხედავთ, სიტყვიერი კონფრონტაციაა, დადანაშაულება კონსპირაციის თეორიებში. ეს ევროპასთან ნორმალურ ურთიერთობებს, ისევე როგორც ნორმალურ პროცესებს რუსეთში ხელს არ უწყობს“, - თქვა მან.
|
|
Posted by Drakula | 09 Dec 2011, 21:39 | comments | პოლიტიკა | Score: 0 | Read More... |
| |
| | აჭარაში შიდა ტურისტებს ძირითადად ზღვა, ხოლო უცხოელებს - ეკოტურიზმი იზიდავთ | | Georgian News |
 აჭარაში შიდა ტურისტებს ძირითადად ზღვა, ხოლო უცხოელებს - ეკოტურიზმი იზიდავთ. ამის შესახებ ნათქვამია „აჭარაში ტურისტთა გამოკვლევაში“. გამოკვლევა „ACT გამოკვლევამ“ UNDP-ის დაკვეთით მოამზადა. გამოკვლევაში აღნიშნულია, რომ რეგიონში ტურიზმის განვითარების პროცესი საკმაოდ აქტიურად მიმდინარეობს, რაც მკვეთრად, ერთი მხრივ, ტურისტთა რაოდენობაზე, მეორე მხრივ კი, უცხოური ინვესტიციების მოცულობებზე აისახება. ასევე აღნიშნულია, რომ აჭარაში შიდა ტურისტებს ძირითადად ზღვა, ხოლო უცხოელებს - ეკოტურიზმი (მაღალმთიანი აჭარა) იზიდავთ. შესაბამისად, აჭარაში აქტიურად მიმდინარეობს ტურიზმის სხვადასხვა მიმართულებების განვითარების სამუშაოები, რათა რეგიონი ტურისტებისთვის წლის ნებისმიერ დროს იყოს მიმზიდველი.
|
|
Posted by Drakula | 09 Dec 2011, 21:27 | comments | საზოგადოება | Score: 0 | Read More... |
| |
|
საქართველო ნატოში ინტეგრაციის ფინალურ ეტაპზე იმყოფება, განაცხადა პარასკევს, 9 დეკემბერს, ტელეკომპანია „იმედისთვის“ მიცემულ ინტერვიუში საქართველოს უსაფრთხოების საბჭოს უფროსის მოადგილემ ბათუ ქუთელიამ, როდესაც კომენტარს აკეთებდა ალიანსის ოფიციალურ დოკუმენტში საქართველოს, როგორც ასპირანტი ქვეყნის, ხსენებასთან დაკავშირებით.
ბიძინა ივანიშვილის მაღალი რეიტინგი იმაზე მეტყველებს, რომ ქართული პოლიტიკა ორპოლუსიანი ხდება, - განუცხადა „IPN“-ს ექსპერტემა გია ხუხაშვილმა. „ბიძინა ივანიშვილის სახით გაჩნდა რეალური ძალა, რომელსაც ხელისუფლების დაბალანსება და ავტორიტარული ტენდენციების შენელება ძალუძს. თუმცა ამას თავისი მინუსებიც აქვს. კერძოდ, ამის უარყოფითი მხარე იმაშია, რომ ქართული პოლიტიკა კვლავ ორპოლუსიანი ხდება და ადგილი არ რჩება მესამე ძალისთვის, რომელიც არსებული მდგომარეობის კიდევ უფრო მეტად დაბალანსებას შეძლებდა“, - განაცხადა ხუხაშვილმა.
საერთაშორისო რესპუბლიკური ინსტიტუტის (IRI) მიერ ჩატარებული ბოლო სოციოლოგიური გამოკვლევის შედეგების თანახმად, საქართველოს რეგიონებს ყველაზე ხშირად მიხეილ სააკაშვილი სტუმრობს.
ჯანდაცვა საქართველოს 10-პუნქტიანი სამთავრობო გეგმის ერთ-ერთი უმნშვნელოვანესი მიმართულებაა, განაცხადა საქართველოს პრემიერ-მინისტრმა ნიკა გილაურმა მინისტრთა კაბინეტის სხდომაზე.
„ფორბსის“ ქართულენოვანი გამოცემის მთავარი რედაქტორის რეზო საკევარიშვილის აზრით, „ქართულ მედია-ბაზარზე საქმიანი ბიზნეს-გამოცემების „შიმშილი“ იგრძნობა“.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}