16 იანვარს საქართველოს პირველი ლედი სანდრა რულოვსი მოინახულებს საერთაშორისო ტურისტულ გამოფენა „Vakantiebeurs 2011“-ს, რომელიც ჰოლანდიის ქალაქ უტრეხტში 11-დან 16 იანვრის ჩათვლის ტარდება.

მასში საქართველოს ტურიზმის ეროვნული სააგენტო მონაწილეობს.

გამოფენის ბოლო დღეს მოეწყობა პრეს-კონფერენცია ჟურნალისტებისათვის, რომელშიც მონაწილეობას მიიღებენ საქართველოს პირველი ლედი, ნიდერლანდებში საქართველოს ელჩი შოთა გვინერია და ტურიზმის ეროვნული სააგენტოს დირექტორის მოადგილე ნატა ფარცხალაძე.

აღნიშნული გამოფენა ერთ-ერთი ყველაზე მსხვილია და მნიშვნელოვანია ქვეყნის პოპულარიზაციის კუთხით. მასში დაახლოებით 132 ქვეყანა მონაწილეობს და 20 000-მდე ვიზიტიორი სტუმრობს.

ტურიზმის სააგენტოსთან ერთად გამოფებაში მონაწილოებს 4 ქართული ტურისტული კომპანია (Caucasus Travel, Explore Georgia, Visit Georgia, Georgian Holidays).