აჭარის ტურიზმის დეპარტამენტმა წინასაახალწლო სარეკლამო კამპანიაზე უარი თქვა. ამის მიზეზი ის გახდა, რომ აჭარაში სასტუმრო ნომრების რაოდენობა ტურისტთა დიდი რაოდენობის მისაღებად არასაკმარისია. დეპარტამენტის განცხადებით, აჭარაში საახალწლო დღესასწაულებზე ძირითადად თბილისისა და თურქეთის მოქალაქეები ჩამოვლენ.

თემურ დიასამიძის ინფორმაციით, სასტუმრო ნომრები ქობულეთში, ბათუმსა და კვარიათში უკვე დაჯავშნულია. ბათუმში საახალწლო ღონისძიებები 31 დეკემბრის საღამოს დაიწყება. მსოფლიო ვარსკვლავების კონცერტის შემდეგ შედგება ფეირვერკი. კონცერტი 1 იანვარსაც გაიმართება. ტურიზმის დეპარტამენტის გამოთვლებით, საახალწლო კონცერტს 25 ათასი ადამიანი დაესწრება. აჭარაში საახალწლო ღამეს მსოფლიო ოპერის ვარსკვლავს ანდრეა ბოჩელის ელიან.