ქობულეთის თავისუფალი ტურისტული ზონით დაინტერესებულობა ძალიან მაღალია. ამასთან დაკავშირებით განაცხადთა მიღების ვადა 15 დეკემბრამდე გაახანგრძლივეს, რის შესახებაც საქართველოს პრეზიდენტის პრეს-სპიკერმა მანანა მანჯგალაძემ განაცხადა. მისი სიტყვებით, გაიზარდა სასტუმროთა რაოდენობა და ქობულეთში 27 სასტუმროს ნაცვლად 30 სასტუმრო აშენდება.

როგორც მანჯგალაძემ აღნიშნა, დაინტერესებულობა ძალიან მაღალია. ამ დროისათვის ეკონომიკის სამინისტროში 60-მდე განაცხადია შემოსული. მოცემულ ეტაპზე შეირჩა 8 კომპანია და ფიზიკური პირები, რომლებიც 15 ობიექტის აშენებას შეუდგებიან. მუშაობის დაწყებას ისინი უკვე ნოემბრიდან შეძლებენ.

„ქობულეთში შექმნილია თავისუფალი ტურისტული ზონა, რომელიც უახლოეს მომავალში ამოქმედდება და საწყის ეტაპზე 1000 სამუშაო ადგილი შეიქმნება. როგორც იცით, ამ ინიციატივით პრეზიდენტი დაახლოებით 2 თვის წინათ გამოვიდა“, - განაცხადა მანჯგალაძემ.