აღნიშნულ  სკოლაში, სადაც 900-მდე მოსწავლეა, რამდენიმე წლის განმავლობაში სასადილო არ ფუნქციონირებდა. სამინისტროს მიერ ინიცირებული უსაფრთხო და ჯანსაღი სკოლის კონცეფციის ფარგლებში, სასადილო გაარემონტა და თანამედროვე ტექნიკით აღჭურვა კომპანიამ ”უსაფრთხო კვება”.

ისევე, როგორც აქამდე გახსნილ თანამედროვე სტანდარტების სასკოლო სასადილოებში, 64-ე საჯარო სკოლაშიც ანგარიშსწორება ელექტრონული ბარათებით მოხდება. ბარათები მოსწავლეებს ,,ტაოპრივატბანკმა’’ უსასყიდლოდ დაუმზადა. ბარათზე დარიცხულ გარკვეულ თანხას ბავშვი, მხოლოდ სასადილოში და კონკრეტულად საკვების შესაძენად გამოიყენებს.

პროექტის განხორციელდება  ქვეყნის მასშტაბით ბევრ სკოლაში მიმდინარეობს და მომავალშიც  გაგრძელდება. ჯანსაღი კვების ობიექტები მალე ყველა სკოლაში დაინერგება.