თაფლის მწარმოებელი კომპანია „ბრეტი“ თურქეთში პროდუქციის ექსპორტს გეგმავს. ამის შესახებ კომპანიის მარკეტინგის დირექტორმა ლევან სილაგაძემ განაცხადა.

მისი სიტყვებით, „ბრეტის“ პროდუქციამ თურქეთში გამართულ საერთაშორისო გამოფენაზე დიდი სიმპატიები და ინტერესი მოიპოვა.

ამ მომენტისათვის კომპანია 4 დასახელების თაფლს აწარმოებს, რომელთა რიცხვი უახლოეს მომავალში 7-მდე გაიზრდება. კომპანია თაფლს კერძო მეწარმეებისაგან ლაბორატორიული შემოწმების შემდეგ იღებს.

საცალო ქსელში ერთი ქილა თაფლის ფასი 5.5-დან 9.2 ლარამდე მერყეობს.