ნოემბერში საკოლექციო ღვინოები მსოფლიოში ნავთობსა და ოქროზე უფრო სწრაფად გაძვირდა. ამის შესახებ ნათქვამია კომპანია Bordeaux Index-ის ყოველთვლიურ ანგარიშში. გასულ თვეში ძვირადღირებული თეთრი და წითელი ღვინოების ფასები საშუალოდ 5%-ით გაიზარდა. შედარებისათვის: იმავე პერიოდში ნავთობის ფასი 3%-ით გაიზარდა, ხოლო ოქროსი - 2%-ით. ამის შესახებ იტყობინება The Daily Telegraph.

ღვინოზე ფასების ზრდის ტენდენცია აზიური და, უპირველეს ყოვლისა, ჩინური ბაზრის გაზრდილი მოთხოვნითაა განპირობებული. ჩინელებმა ძვირადღირებული ღვინოები ჩათვალეს ისეთივე საინვესტიციო ინსტრუმენტად, როგორიცაა ოქრო.

მიმდინარე წელს განსაკუთრებული პოპულარობით სარგებლობს Chateau Lafite Rotschild-ისა და Chateau Mouton Rotschild-ის პროდუქცია. პირველმა მათგანმა ჰონგკონგის აუქციონზე 1869 წლის ერთი ბოთლი ღვინო 250 ათას დოლარად გაყიდა.

შეგახსენებთ, რომ ბოლო ორი წლის განმავლობაში ოქრო ერთ-ერთ ყველაზე მიმზიდველ საინვესტიციო საქონლად იქცა. კრიზისამდელ მაჩვენებელთან შედარებით მისი ღირებულება 30%-ით გაიზარდა.