ამის შესახებ საქართველოს პრემიერ-მინისტრმა ნიკა გილაურმა დღეს სამთავრობო სხდომაზე განაცხადა, როდესაც თბილისში გამართული ბიზნეს-გარემოს გაუმჯობესების რეგიონალური კონფერენციის შედეგებზე საუბრობდა.

მან კიდევ ერთხელ ახსენა, რომ მსოფლიო ბანკმა საქართველოს რეფორმების სფეროში მსოფლიო ლიდერი უწოდა.

„მსოფლიო ბანკის გადაწყვეტილება თბილისში კონფერენციის ჩატარების შესახებ დაგვეხმარება ბიზნესის განვითარების თვალსაზრისით. კონფერენციის ფარგლებში მე შევხვდი 30 ქვეყნის წარმომადგენლებს, რომლებმაც განაცხადეს, რომ საქართველოს გამოცდილებას გადაიღებენ“, - თქვა პრემიერმა.