საქართველოში ინვესტირებას იწყებს ცნობილი ამერიკელი ბიზნესმენი რიჩარდ შარპი. შარპის კომპანია Viten საქართველოში Mobipay-სისტემასთან ითანამშრომლებს. თავად შარპის განცხადებით, Mobipay-ში ინვესტირება გადაწყვეტილ იქნა მენეჯმენტის პროფესიონალიზმის, კარგი ბიზნეს-გეგმისა და ქვეყნის ბიზნეს-გარემოსადმი ნდობის არსებობის მიზეზით.

მისი თქმით, დაახლოებით 50 ქვეყანაში ჩატარდა გამოკვლევა და გადაწყდა, რომ Mobipay-სისტემისათვის ყველაზე მეტად გამოსადეგია ევრაზია, ხოლო ფიჭური კავშირის ბიზნესი საქართველოში მაღალ დონეზეა.

შარპი აცხადებს, რომ საქართველოდან Mobipay-სისტემა რეგიონის 13 ქვეყანას მოემსახურება.

შეგახსენებთ, რომ „ჯეოსელმა“ პროდუქტი Mobipayამერიკულ კომპანია “Open Revoliton”-თან ერთად ზაფხულში შემოიღო. Mobipayგახლავთ გადახდის ინოვაციური მეთოდი, რომელიც შესაძლებლობას აძლევს მომხმარებელს, მობილური ტელეფონით გადაიხადოს კომუნალური გადასახადები და უფრო სწრაფად და საიმედოდ განახორციელოს ყველა ფინანსური ოპერაცია.