თელავში ტურისტული კომპლექსის „ზუზუმბოს“ მშენებლობა დაიწყო. ამ პროექტში 1 მლნ 40 ათასი ლარის ოდენობის ინვესტიცია ბიზნესმენმა შოთა დემნაშვილმა განახორციელა.

როგორც სამუშაოების შემსრულებელი კომპანია „ძველი თელავის“ დირექტორი დავით ქსოვრელიშვილი ამბობს, კომპლექსი თანამედროვე ტიპის 25 კოტეჯს, მათ შორის 3 ვიპ-კოტეჯს გააერთიანებს. პროექტის ფარგლებში ასევე დაგეგმილია რესტორნის, საჯინიბოს, ბასეინისა და სცენის აშენება.

დამსვენებელთათვის ე. წ. ცივის მთაზე ორდღიანი საცხენოსნო ტურები მოეწყობა.

მშენებლობა 18 თვეში დასრულდება.