ეკონომიკისა და მდგრადი განვითარების სამინისტრო პეკინის 4 ნომერში მდებარე სტატისტიკის ეროვნული სამსახურის შენობას ყიდის.

როგორც „საქსტატის“ წინ გამართულ ბრიფინგზე სამინისტროს საპრივატიზაციო დეპარტამენტის პრეს-სპიკერმა გიორგი კალანდაძემ განაცხადა, შენობის საწყისი ფასი 3 600 000 დოლარია.

„შენობას კარგი ადგილმდებარეობა და განვითარებული ინფრასტრუქტურა აქვს. ეს 6 ათას კვადრატულ მეტრამდე საოფისე და სავაჭრო ფართობია საკუთარი სადგომით. დედაქალაქის ბიზნეს და კულტურულ ცენტრთან სიახლოვე ბიზნეს-განვითარების თვალსაზრისით მომავალი მყიდველისათვის საუკეთესო პირობებს წარმოქმნის“, - აღნიშნა მან.

განაცხადთა მიღება დღეს დაიწყო და 30 ნოემბრამდე გასტანს. ერთადერთი პირობა ისაა, რომ შენობა მფლობელს ეტაპობრივად გადაეცემა და პროცესი 2011 წლის 1 მაისს დასრულდება.