საქართველოს ფინანსთა მინისტრი კახა ბაინდურაშვილი ირწმუნება, რომ მთავრობას 100 დოლარიან კუპიურაზე უარი არ უთქვამს.

როგორც მინისტრმა დღეს ფინანსურ-საბიუჯეტო კომიტეტის სხდომაზე განაცხადა, „100 დოლარამდე პენსიის გაზრდას ეკონომიკურმა კრიზისმა შეუშალა ხელი, თუმცა პენსიონერებისათვის პენსიის გაზრდის პირობა და საკითხი დღის წესრიგიდან არ მოხსნილა“.

კომიტეტის სხდომაზე პენსიის გაზრდის თაობაზე შენიშვნები ეროვნულ-დემოკრატიული პარტიის დეპუტატმა გურამ ჩახვაძემ დააფიქსირა.

„პენსია არ იზრდება და მთავრობა არ ითვალისწინებს ინფლაციის დონეს, რაც, ფაქტობრივად, „შთანთქავს“ პენსიას და პენსიონერს მიღებული ფულით არაფრის შეძენა შეუძლია“, - განაცხადა ჩახვაძემ.