| თბილისის 149-ე საჯარო სკოლაში გენერალური ინსპექცია შევიდა |  | საქართველოს ამბები | |
 დღეს თბილისის 149-ე საჯარო სკოლაში განათლების სამინისტროს გენერალური ინსპექცია შევიდა, _ ამის შესახებ “მედიანიუსს” ინფორმირებულმა წყარომ აცნობა.წყაროს ცნობით, ინსპექცია სკოლის დოკუმენტაციის და დირექტორის მაია გიორგაძის საქმიანობის დეტალურად შესწავლას აპირებენ. განათლების სამინისტროში აღნიშნული ინფორმაცია არც უარყვეს და არც დაადასტურეს. როგორც “მედიანიუსთან” საუბრისას სამინისტროს საზოგადოებასთან ურთიერთობის სამსახურის უფროსმა ნინო პოტრჟებსკაიამ განაცხადა, ამ საკითხზე კომენტარს არ აკეთებენ. 149-ე სკოლის დირექტორი მაია გიორგაძე გუშინ გათავისუფლებული რვა სკოლის დირექტორთაგან ერთ-ერთია. გიორგაძემ და მე-2 სკოლის დირექტორმა ლია სოლოღაშვილმა სამინისტროს გენრალური ინსპექციის უფროსის ირაკლი ანდრიაძის მოთხოვნის მიუხედავად, თანამდებობიდან გადადგომის შესახებ განცხადებას ხელი არ მოაწერეს. დირექტორების თქმით, ანდრიაძემ მათ განუცხადა, რომ მათი სკოლების მეთორმეტეკლასელების პარლამენტთან აქციაზე ყოფნის გამო, გათავისუფლებულები იყვნენ და გადადგომის შესახებ განცხადებისთვის ხელი უნდა მოეწერათ. შეგახსენებთ, რომ განათლებისა და მეცნიერების მინისტრმა დიმიტრი შაშკინმა დირექტორების გათავისუფლების პროცესში სამინისტროს ჩარევა უარყო და განაცხადა, რომ რვავე დირექტორმა გადადგომის შესახებ მოთხოვნით სკოლის სამეურვეო საბჭოს მიმართა და განცხადებაც საბჭომ დაუკმაყოფილა, შესაბამისად, სამინისტროს ამ საქმესთან კავშირი არ ჰქონია. თბილისის რამდენიმე საჯაროს სკოლის მეთორმეტე კლასელები პარლამენტის წინ გამართულ აქციაზე, საატესტატო გამოცდების გაუქმებას ითხოვდნენ. წყარო - medianews.ge
გაუზიარე სხვებს:https://www.aspurcela.ge/asp-News_-_file_-_article_-_sid_-_239.html
| |||
| განათავსა - Legatuss | 11 ნოემ. 2010, 12:15 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.