ევროპული ბიუჯეტის ხარჯების დაახლოებით 92% მოკლებულია საფუძველს და წარმოებულია შეცდომებითა და დარღვევებით. ამ დასკვნამდე ევროკავშირის საანგარიშო პალატის აუდიტორები მივიდნენ. სულ უსაფუძვლოდ აღიარებულ იქნა 5 მლრდ ევროს ოდენობის ხარჯები.   

როგორც საანგარიშო პალატის მოხსენებაშია აღნიშნული, ერთი და იგივე ქონება ერთდროულად ორ ფერმერთან აღირიცხება, ხოლო მიწის ნაკვეთები, რომლებიც განცხადებულია როგორც საძოვრები, სინამდვილეში აუთვისებელ ტყის მასივებს წარმოადგენს. იმის მაგივრად, რომ ფერმერებმა სასოფლო-სამეურნეო კულტურები მოიყვანონ, ისინი თავიანთ მინდვრებზე გოლფ-კლუბებს ათავსებენ, ან სულაც საცხოვრებელი ადგილების აშენების მიზნით ყიდიან ნაკვეთებს.

როგორც 10 ნოემბერს გაზეთ The Daily Telegraph-ში განაცხადეს, ამგვარი დარღვევები კერძოდ გამოვლენილ იქნა დიდ ბრიტანეთსა და საბერძნეთში. სასოფლო-სამეურნეო სუბსიდიებზე ევროკავშირის მთლიანი ბიუჯეტის ნახევარზე მეტი მიდის. ამასთან, ევროკომისია ევროკავშირის ბიუჯეტის 6%-ით გაზრდას მოითხოვს, რაც ევროპელ პარლამენტარებს აკვირვებს. „მათ მეტი ფული სჭირდებათ იმისათვის, რომ ჰაერზე გაუშვან იგი?“ - ამბობს საბიუჯეტო კონტროლის კომიტეტის წევრი მარტა ანდრეასენი.