2011 წლის 1 იანვრიდან კომპანია Google ყველა თავის თანამშრომელს ხელფასს 10%-ით გაუზრდის. ასეთი გადაწყვეტილების მიღება Google-ის ხელმძღვანელობას მკაცრი კონკურენციის გამო მოუწია.

თანამშრომლებს მეტს გადაუხდიან, რათა ისინი არ წავიდნენ კომპანიიდან. Google-ის ყველაზე ძლიერ კონკურენტად Facebook-ია მიჩნეული.

როგორც გამოცემა The Wall Street Journal იტყობინება, Facebook-ის ყველა თანამშრომელთა მეათედი ნაწილი ადრე Google-ში მუშაობდა. ინტერნეტ-კორპორაციის სპეციალისტთა გადმობირებას სილიკონის ველის სხვა კომპანიებიც ახორციელებენ. საერთო ჯამში Google-ში 23 ათასი ადამიანი მუშაობს. კომპანია Universum-ის რეიტინგის მონაცემებით Google მსოფლიოს ყველაზე მიმზიდველი დამქირავებელია. ინტერნეტ-კორპორაციაში მუშაობაზე ოცნებობენ მსოფლიოს საუკეთესო უმაღლესი სასწავლებლების გამოსაშვები ახალგაზრდები ტექნიკური განათლებით.  

Google-ის გენერალურმა დირექტორმა ერიკ შმიდტმა ხელფასის სამომავლო გაზრდაზე ყველა თავის თანამშრომელს წინასწარ შეატყობინა ელექტრონული წერილის საშუალებით. „ჩვენ კვლავაც გვსურს Google-ში კარგი ადამიანების მოზიდვა“, - შმიდტის სწორედ ეს სიტვყებია მოცემული წერილში. შობის წინადღეს კორპორაციის თანამშრომლები ნაღდი ფულის სახით ბონუსად 1000 დოლარს მიიღებენ.  

10 ნოემბერს საძიებო სისტემამ პრეზენტაცია გაუკეთა ახალ სერვისს - გვერდების წინასწარ ნახვას, რომელიც მომხმარებელს საშუალებას აძლევს, ვებ-საიტების გამოსახულებები ძიების შედეგებში ნახოს. Google-ის წარმომადგენელთა აზრით, ახალი სისტემა მომხმარებლებს აუცილებელი ინფორმაციის უფრო სწრაფად მოძიებაში დაეხმარება.