| ლტოლვილები საშემოსავლო გადასახადისგან ნაწილობრივ განთავისუფლდებიან |  | ბიზნესი და ეკონომიკა | |
|
იძულებით გადაადგილებულ პირთათვის სახელმწიფოს მიერ გადაცემული ქონების პირველადი რეალიზაციის შედეგად მიღებული ღირებულება საშემოსავლო და ქონების გადასახადისგან თავისუფლდება. ამის შესახებ დღეს ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე იმსჯელეს. აღნიშნული ცვლილება საგადასახადო კოდექსში და ზოგიერთ საკანონმდებლო აქტში შედის. კომიტეტის სხდომაზე საგადასახადო კოდექსში შესატანი ის ცვლილებაც განიხილეს, რომლის მიხედვით საგადასახადო ორგანოს შეუძლია მოითხოვოს მოვალის ყადაღადადებული ქონების პირდაპირ სახელმწიფოს საკუთრებაში გადაცემა. საკითხის დასმა შესაძლებელი იქნება მხოლოდ იმ შემთხვევაში, თუ აღიარებული საგადასახადო დავალიანება ქონების საბაზრო ღირებულებას აღემატება ან მისი ტოლია. როგორც სხდომაზე აღინიშნა, აუქციონის წესით ქონების რეალიზაციას აღასრულებს აღსრულების ეროვნული ბიურო. ქონების გაყიდვის შედეგად მიღებული შემოსავლით, პირველ რიგში, აღსრულების ხარჯი დაიფარება. რაც შეეხება საგადასახადო კოდექსის 270-ე მუხლს, მასში ჩამოთვლილ სანქციებს ახალი სანქცია ემატება: საქართველოს ეკონომიკური საზღვრის გადაკვეთის უფლების შეზღუდვა ერთი წლის ვადით. ამასთანავე, სამართალდამრღვევს შესაძლებლობა ეძლევა აღნიშნული საზღვარი გადაკვეთოს იმ შემთხვევაში, თუ იგი წარმოადგენს 5000 ლარის ოდენობის უპირობო და გამოუხმობ საბანკო გარანტიას. წყარო - parliament.ge
გაუზიარე სხვებს:https://www.aspurcela.ge/asp-News_-_file_-_article_-_sid_-_211.html
| |||
| განათავსა - teo- | 10 ნოემ. 2010, 16:51 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.77 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.