საქართველოს ეკონომიკის სამინისტროსა და აშშ-ის ექსპორტ-იმპორტ ბანკს შორის ურთიერთგაგების მემორანდუმი გაფორმდა. როგორც ეკონომიკის სამინისტროში იტყობინებიან, დოკუმენტი ორ ქვეყანას შორის სავაჭრო ურთიერთობების გაღრმავებასა და ინვესტიციების გაზრდას, ასევე ბიზნეს-შესაძლებლობებზე ინფორმაციის გაცვლას ითვალისწინებს.

მემორანდუმი ხელი მოაწერეს ეკონომიკის მინისტრის მოადგილემ აბესალომ კეკელიამ და ექსპორტ-იმპორტის ბანკის დირექტორთა საბჭოს წევრმა ბიჯან კიანმა.

ეკონომიკის სამინისტრო და ამერიკული ბანკი „მწვანე ტექნოლოგიების“, ტურიზმის, ჰიდროელექტროენერგიის, ჯანდაცვის, განათლებისა და სოფლის მეურნეობის სფეროებში ითანამშრომლობენ.