„რეფერალური ჰოსპიტალის“ ახალი მფლობელი პოლონური კომპანია „The One“ გახდა. კომპანიამ გასაყიდი ობიექტი 550 000 აშშ დოლარად შეიძინა.

ეკონომიკის სამინისტროში გამართულ აუქციონზე პრივატიზაციაზე გამოტანილ იქნა კომპანია „რეფერალური ჰოსპიტალის“ წილის 100%, რომლის საწყისი ფასიც 500 000 დოლარს შეადგენდა.

სამინისტროს ინფორმაციით, აღნიშნული ობიექტით მხოლოდ კომპანია “The One”დაინტერესდა.

აუქციონის პირობების თანახმად, ახალი მფლობელი ვალდებულია 7 წლის განმავლობაში შეინარჩუნოს „რეფერალური ჰოსპიტალის“ სამედიცინო პროფილი, ასევე 3 წლის განმავლობაში ახალმა მფლობელმა 3 მლნ ევროს ოდენობის ინვესტიციები უნდა დააბანდოს სარემონტო-სარეაბილიტაციო სამუშაოების ჩატარებასა და მატერიალურ-ტექნიკური ბაზის განახლებაზე.