ეუთოს საპარლამენტო ასამბლეის ზამთრის სესიაზე ქართულ-რუსულ ურთიერთობის საკითხი და ოკუპირებული ტერიტორიების გარშემო არსებული სიტუაცია განიხილებოდა. სესიის მუშაობაში 55 ქვეყნის დელეგაციათა რიცხვში მონაწილეობას იღებდა ქართული დელეგაციაც.

დღის წესრიგის ძირითადი თემები ადამიანის უფლებები და მიგრაცია იყო. ქართულმა დელეგაციამ მონაწილეობა მიიღო მსოფლიოში მიგრაციის პროცესებთან დაკავშირებულ დებატებში.

როგორც თავიანთ გამოსვლაში ქართველმა დეპუტატებმა განაცხადეს, ოსლოში მიღებული ეუთოს რეზოლუცია უნდა შესრულდეს და საქართველოს ლტოლვილები მშობლიურ სახლებში დაბრუნდნენ.