ფიჭური კავშირგაბმულობის კომპანიებმა გამოუყენებელი ნომრების დაბრუნება დაიწყეს. კომუნიკაციათა ეროვნულმა მარეგულირებელმა კომისიამ კომპანია „ბილაინის“ მიერ 3 700 ათასი ნომრის დაბრუნება განიხილა.

არსებული ინფორმაციით, 2 მლნ ნომრის დაბრუნებას „მაგთი“ აპირებს. კომპანია „ჯეოსელზე“ ამ საკითხის თაობაზე ინფორმაცია ჯერ არ არის.

ნომერთა პორტაბელურობის სისტემის ამოქმედების შემდეგ კომპანიებს ყოველი ნომრისთვის 38 ცენტის გადახდა უწევთ. „მაგთისა“ და „ჯეოსელის“ 8-9 მლნ ნომერია, მათ შორის გამოუყენებლებიც და წელიწადში მათ მომსახურებისათვის 4 მლნ დოლარის გადახდა უწევთ.

ნომრებისთვის მაღალ გადასახადს კომპანიები „მაგთი“ და „ჯეოსელი“ სასამართლოში განიხილავენ.