| ეკონომიკა: შემოსავლების სამსახური მცირე მეწარმეებს დაბეგვრის ალტერნატიულ ფორმას სთავაზობს |  | ბიზნესი და ეკონომიკა | |
 შემოსავლების სამსახური მცირე მეწარმეებს დაბეგვრის ალტერნატიულ ფორმას სთავაზობს. როგორც შემოსავლების სამსახურის უფროსმა ჯაბა ებანოიძემ დღეს, 7 დეკემბერს, გამართულ ბრიფინგზე განაცხადა, ამოქმედდება დაბეგვრის ორი მოდელი. პირველით ის მეწარმეები ისარგებლებენ, რომლებიც არა იურიდიული, არამედ ფიზიკური პირების მომსახურებით არიან დაკავებულები. მათ იურიდიული პირებისთვის ჩეკების გამოწერა არ მოუწევთ. გადახდის ამ ფორმის არჩევის შემთხვევაში მათთვის საკასო აპარატის არსებობა სავალდებულო არ იქნება, ისინი დაიბეგრებიან ფიქსირებული გადასახადით თვეში ან კვარტალში. ამ მოდელის გამოყენებას შეძლებენ პატარა სადალაქოები, საცხობები და ა. შ.მეორე მოდელი იმ მეწარმეებზეა გათვლილი, რომლებიც ვაჭრობით არიან დაკავებულები. როგორც ებანოიძემ თქვა, მათთვის ბრუნვის 3 %-ის ოდენობის გადასახადი იქნება შემოთავაზებული. პირველი მოდელისაგან განსხვავებით, მეწარმეთა ამ კატეგორიისთვის საკასო აპარატის სავალდებულოა, თუმცა ისინი ბუხჰალტრული დოკუმენაციის წარმოებისაგან გათავისუფლებულები იქნებიან. ებანოიძის თქმით, მეწარმეთა ორივე კატეგორია კიდევ ერთი შეღავათით ისარგებლებს. კერძოდ, გაუქმდება 100 ათასი ლარის ზღვარი დღგ-ის გამოსათვლელად. „დაბეგვრის ალტერნატიული ფორმები მცირე ბიზნესის განვითარებას ხელს შეუწყობს. შესწორებები საგადასახადო კოდექსში უკვე ინიცირებულია პარლამენტში“, - განაცხადა ჯაბა ებანოიძემ. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_4097.html
| |||
| განათავსა - Drakula | 07 დეკ. 2011, 19:25 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.