| ეკონომიკა: სსფ მზადაა იტალია კრედიტების საშუალებით გადაარჩინოს |  | მსოფლიოს ამბები | |
 სსფ-მ იტალიისთვის სასწრაფო კრედიტი მოამზადა, რომლის სიდიდემაც შესაძლოა 400-დან 600 მლრდ-მდე ევრო, ხოლო მის მიხედვით საპროცენტო განაკვეთმა - 4-დან 5-მდე პროცენტი შეადგინოს. ამის შესახებ განაცხადა იტალიურმა ტელეარხმა „რაი-ნიუზ-24“-მა. ინფორმაცია ტრანშის შესაძლო გამოყოფის შესახებ გახდა მსოფლიო ფინანსური ისტიტუტების მხრიდან იტალიის ახალი მთავრობის მიმართ, რომელსაც პროფესორი მარიო მონტი უდგას სათავეში, გარკვეული ნდობის პირველი კონკრეტული ნიშანი.რესპუბლიკის სახელმწიფო ვალი 1.9 ტრლნ ევროს შეადგენს, ამიტომ მოსალოდნელი იყო, რომ რომი ფინანსური დახმარებისთვის ევროკავშირსა და საერთაშორისო სავალუტო ფონდს მიმართავდა, როგორც ეს უკვე გააკეთეს საბერძნეთმა, პორტუგალიამ და ირლანდიამ. ტელეარხის შეტყობინებაში აღნიშნულია, რომ კრედიტი „დროებით მოხსნის იტალიური ვალების რეფინანსების აუცილებლობას“, რითაც იტალიის ხელისუფლებებს 12-დან 18 თვემდე დროს მისცემს, რომლის განმავლობაშიც ქვეყნის მთავრობა საბიუჯეტო ხარჯების შემცირებებისა და სხვა რეფორმების გატარებას შეძლებს. ექსპერტები აღნიშნავენ, რომ საეჭვოა, კრედიტის სიდიდეებმა საშუალება მისცეს სსფ-ს, გასცეს იგი მხოლოდ თავის ამჟამინდელ სახსრებზე დაყრდნობით, ასე რომ დიდი ალბათობაა იმისა, რომ ფონდი კრედიტს სხვა ინსტიტუტებთან, მაგალითად - ევროპის ცენტრალურ ბანკთან თანამშრომლობით გასცემს. მანამდე ევროკავშირმა და ევროპის ცენტრალურმა ბანკმა იტალიაში თავიანთი აუდიტორები გააგზავნეს და მალე იგივეს სსფ-ც გააკეთებს. ეს გათვალისწინებულია შეთანხმებაში, რომელიც საერთაშორისო ფინანსურ ინსტიტუტებთან ჯერ კიდევ წინა იტალიურმა ხელისუფლებებმა გააფორმეს. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_4007.html
| |||
| განათავსა - Drakula | 29 ნოემ. 2011, 19:07 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.