| ეკონომიკა: გერმანელმა ექსპორტიორებმა ევროზე უარის თქმის მზადყოფნაზე განაცხადეს |  | მსოფლიოს ამბები | |
 გერმანელი ექსპორტიორები მზად არიან, უარი თქვან ერთიან ევროპულ ვალუტაზე. ამის შესახებ განაცხადა გერმანელ ექსპორტიორთა გაერთიანების (BGA) უფროსმა ანტონ ბერნერმა, გადმოსცემს RTE. „ჩვენთვის მნიშვნელოვანია თავისუფალი ბაზარი, ერთიანი ვალუტა კი აუცილებელი არ არის. არის გერმანიაში სიცოცხლე ევროს შემდეგ? დიახ, არის“, - განაცხადა ბერნერმა ბერლინში არასამთავრობო ორგანიზაცია „უცხოური პრესის ასოციაციასთან“ შეხვედრაზე. გერმანიაში ევროზონიდან გამოსვლის საკითხი უკვე არაერთხელ წამოჭრილა. 2011 წლის სექტემბერში ჩატარებული გამოკითხვის თანახმად, გერმანელთა ნახევარზე მეტ ეროვნული ვალუტის დაბრუნებას ისურვებდა.ამას გარდა, ბერლინში ამერიკელ დიპლომატთა გზავნილების გაჟონვიდან ცნობილი გახდა, რომ ეს თემა უმაღლეს დონეზე განიხილებოდა. ევროკავშირის სამიტის შემდეგ, რომელიც 2010 წლის თებერვალში ჩატარდა, აშშ-ის ელჩმა გერმანიაში ფილიპ დ. მერფიმ გერმანელ პოლიტიკოსებთან და ეკონომისტებთან საუბრის შესახებ ჩანაწერები გააკეთა. მოგვიანებით მისი ჩანაწერები საიტ WikiLeaks-მა გამოაქვეყნა. Deutsche Bank-ის მთავარი ეკონომისტი თომას მაიერი მერფისთან საუბრისას გადაკვრით იძახდა, კერძოდ, ევროზონიდან გერმანიის გამოსვლის საკითხზე. მოცემულ შემთხვევაში მაიერი 1990-იანი წლების ფედერალური კონსტიტუციური სასამართლოს ვერდიქტს მიმართავდა, რომლის თანახმადაც მარკის დაბრუნება ორ შემთხვევაშია შესაძლებელი: თუ ევროზონა ინფლაციის წყარო იქნება ან გერმანელი გადასახადის გადამხდელები ერთიანი ვალუტის „ფაქტობრივი გადამრჩენელები“ გახდებიან. თუმცა, არსებობს სხვა თვალსაზრისიც. კერძოდ, კონსალტინგურ ჯგუფ McKinsey-ის მიერ ცოტახნის წინ ჩატარებულ გამოკვლევაში იტყობინებოდნენ, რომ ბოლო ათწლეულში გერმანიის ეკონომიკური ზრდის ორი მესამედი შეიძლება ევროს შემოღებას მივაწეროთ. წყარო - bizzone
გაუზიარე სხვებს:https://www.aspurcela.ge/asp-News_-_file_-_article_-_sid_-_3872.html
| |||
| განათავსა - Drakula | 10 ნოემ. 2011, 18:54 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.