| საზოგადოება: სააკაშვილი: „ქვეყანაში უმუშევრობა უკავშირდება იმას, რომ თანამედროვე მოთხოვნები სხვა კვალიფიკაციას საჭიროებს |  | საქართველოს ამბები | |
 „ქვეყანაში უმუშევრობა უკავშირდება იმას, რომ თანამედროვე მოთხოვნები სხვა კვალიფიკაციას საჭიროებს“, - ამის შესახებ საქართველოს პრეზიდენტმა მიხეილ სააკაშვილმა ყვარელში საკუთარ ვენახში იმ სტუდენტებთან შეხვედრაზე განაცხადა, რომლებმაც ტექნიკურ სპეციალობებში ერთიან ეროვნულ გამოცდებზე უმაღლესი შეფასებები მიიღეს. სახელმწიფოს მეთაურის თქმით, ამ სტუდენტებმა აირჩიეს პროფესიები, რომლებშიც სპეციალისტები ქვეყანას დღეს ყველაზე მეტად სჭირდება.„ახალგაზრდობისთვის უმუშევრობა პრობლემა არ უნდა წარმოადგენდეს, მთავარია, რომ პროფესიას ფლობდეთ“, - აღნიშნა მან. მიხეილ სააკაშვილმა კიდევ ერთხელ გაუსვა ხაზი უცხოური ენებისა და კომპიუტერის ფლობის მნიშვნელოვნობას, პედაგოგთა კვალიფიკაციის ამაღლების აუცილებლობას. პრეზიდენტის თქმით, იგი ყოველთვის მოუწოდებს ახალგაზრდობას, 1-2 წლით გაემგზავროს საზღვარგარეთ და იქაურ კულტურას გაეცნოს. „მე არ მეშინია, რომ ქართველები იქ დარჩებიან“, - აღნიშნა სახელმწიფოს მეთაურმა. შეხვედრის დასასრულ მიხეილ სააკაშვილმა სტუდენტებს საჩუქრად პერსონალური კომპიუტერები გადასცა. პრეზიდენტმა სტუდენტები და განათლების მინისტრი დიმიტრი შაშკინი არაფორმალურ გარემოებაში მიიღო და მათთან ერთად მწვადები მოამზადა. ხოლო ვენახი, სადაც შეხვედრა ჩატარდა, ნახევარ ჰექტარზეა განლაგებული და მიხეილ სააკაშვილმა იგი დაახლოებით 3 თვის წინ 30 000 ლარად შეიძინა და მანდ 60 კვადრატული მეტრის სახლს აშენებს. წყარო - Грузия Online
გაუზიარე სხვებს:https://www.aspurcela.ge/asp-News_-_file_-_article_-_sid_-_3414.html
| |||
| განათავსა - Drakula | 12 სექ. 2011, 21:28 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.07 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.