| პოლიტიკა: ევროპარლამენტი: არჩევნები აფხაზეთში არაფერს ცვლის |  | საქართველოს ამბები | |
 გასულ კვირას აფხაზეთის დე-ფაქტო პრეზიდენტის ჩატარებული არჩევნები ევროპის პარლამენტის პოზიციებს არ ცვლის, რომელიც საქართველოს ტერიტორიულ მთლიანობას უჭერს მხარს, განაცხადა გასულ კვირას ევროპარლამენტის პრეზიდენტმა ეჟი ბუზეკმა.26 აგვისტოს აფხაზეთის დე-ფაქტო მეთაურის გამართულ არჩევნებზე, წინასწარი მონაცემებით, ალექსანდრე ანქვაბმა გაიმარჯვა. მან პირველ ტურში ხმათა 54.9% მოაგროვა. „ეს არჩევნები არ ცვლის ევროპარლამენტის პოზიციებს საქართველოსაგან ჩამოშორებული აფხაზეთის მიმართ. აფხაზეთი ავტონომიური რეგიონი, საქართველოს ნაწილია და ევროპარლამენტი საქართველოს სევერენიტეტსა და ტერიტორიულ მთლიანობას მხარს უჭერს“, - მოყვანილია ბუზეკის სიტყვები საქართველოში ევროკავშირის წარმომადგენლობის ოფიციალურ საიტზე. მისი თქმით, „საერთაშორისო საზოგადოების მხრიდან აფხაზეთის დამოუკიდებელი სუვერენული სახელმწიფოს იდეის მხარდაჭერის უკმარისობა აჩვენებს, რომ სოხუმში პოლიტიკოს-სეპარატისტთა მოთხოვნებს სუსტი საფუძველი აქვს“. ამავე დროს, ბუზეკი აღნიშნავს, რომ რუსეთი კვლავ არ ასრულებს ვალდებულებებს, რომლებიც 2008 წლის 12 აგვისტოსსა და 8 სექტემბრის შეთანხმებების საფუძველზე აიღო საკუთარ თავზე. „სამი წლის შემდეგ რუსეთი კვლავ არ იცავს 2008 წლის 12 აგვისტოს შეთანხმებას ცეცხლის შეწყვეტის შესახებ და 2008 წლის 8 სექტემბრის შეთანხმებას აფხაზეთიდან და სამხრეთ ოსეთიდან კონფლიქტამდელ პოზიციებზე შეიარაღებული ძალების გამოყვანის შესახებ“, - განაცხადა ევროპარლამენტის პრეზიდენტმა. გარდა ამისა, მისი თქმით, რუსეთმა ოკუპირებული რეგიონების მოქალაქეებისათვის პასპორტების გაცემა უნდა შეწყვიტოს. ბუზეკმა აღნიშნა, რომ ევროპარლამენტი „დადებითად ეპყრობა“ საქართველოს მთავრობის სტრატეგიას აფხაზეთისა და ცხინვალის რეგიონის მიმართ, „განსაკუთრებით სოციალურ-ეკონომიკური და ადამიანებს შორის ურთიერთობების თავლსაზრისით“. რაც შეეხება ურთიერთობებს საქართველოსა და რუსეთს შორის, ევროპარლამენტის პრეზიდენტმა განაცხადა, რომ ორგანიზაცია მათი აღდგენისთვის გამოდის. წყარო - day.az
გაუზიარე სხვებს:https://www.aspurcela.ge/asp-News_-_file_-_article_-_sid_-_3291.html
| |||
| განათავსა - Drakula | 30 აგვ. 2011, 23:13 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.06 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.