| ეს საინტერესოა: Facebook-ის მთავარი კონკურენტის აუდიტორია წელიწადში ორჯერ შემცირდა |  | მსოფლიოს ამბები | |
 სოციალურ ქსელ MySpace-ის აუდიტორია ბოლო ერთი წლის განმავლობაში თითქმის ორჯერ შემცირდა. ამის შესახებ წერს ტექნობლოგი TechCrunch, comScore-ის მონაცემებზე დაყრდნობით.მხოლოდ 2011 წლის იანვრისა და თებერვლის განმავლობაში MySpace-ის უნიკალური სტუმრების რაოდენობა 73-დან 63 მილიონამდე შემცირდა. 2010 წლის დასაწყისში სოციალური ქსელის აუდიტორია დაახლოებით 110 მლნ ექაუნთს ითვლიდა. როგორც TechCrunch აღნიშნავს, რეიტინგების პროგრესირებად დაცემას თან სდევს სერვისის გაყიდვასთან დაკავშირებული მოლაპარაკებები, რომლებსაც სოციალური ქსელის მფლობელი კომპანია News Corp აწარმოებს, ამიტომ MySpace-სკენ პოტენციური ინვესტორების ყურადღებაა მიმართული. „ეს კატასტროფის სცენის შენელებულ კადრს მაგონებს“, - ამბობს ტექნობლოგის მოსაუბრე, რომელიც მოლაპარაკებთა პროცესშია ჩართული. – „ყველა მსურველს შეუძლია დაწვრილებით ნახოს, რა ცუდადაა საქმეები“. 2011 წლის იანვარში MySpace-ის ხელმძღვანელობამ ოფიციალურად განაცხადა, რომ კომპანია რესტრუქტურიზებული ან გაყიდული იქნებოდა. ამასთან, News Corp რამდენიმე ვარიანტს განიხილავს, მათ შორის MySpace-ის მთლიანად გაყიდვას, სხვა კომპანიასთან შერწყმას ან რამდენიმე მცირე საწარმოდ გაყოფას. 2010 წლის შემოდგომაზე MySpace-მა საიტის რედიზაინი განახორციელა და გააფორმა იგი თავისი მთავარი კონკურენტის - Facebook-ის მსგავსად: მომხმარებლებს სტატუსების დაყენების შესაძლებლობა, ასევე ღილაკებით „Like” და “Share” მოწონებული კონტენტის აღნიშვნის საშუალება გაუჩნდათ. ზოგმა ექსპერტმა ასევე გამოთქვა ვარაუდი, რომ MySpace შესაძლოა მომავალში Facebook-ის მიერ იქნას შთანთქმული, რომელიც სტაბილურ ზრდას აჩვენებს: მოცემულ მომენტში Facebook-ზე დაახლოებით 600 მლნ ექაუნთია დარეგისტრირებული. წყარო - day.az
გაუზიარე სხვებს:https://www.aspurcela.ge/asp-News_-_file_-_article_-_sid_-_1748.html
| |||
| განათავსა - Drakula | 25 მარ. 2011, 08:52 | ახალი ამბები » | |||
facebook
tweeter
buzz
stumbleupon
myspace
 |
 |
 |
|
სტატიის რეიტინგი | |
 |
|
 |
|
ხმები: 0 |
|
 |
|
 |
[ გვერდის გენერაცია: 0.09 წამი | გამოყენებული მახსოვრობა: 4.78 MB ]
Copyright © 2007-2009 www.aspurcela.ge. All rights reserved.
სარგებლობის წესი.
შეთანხმების პოლისი.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
კომენტარზე პასუხს აგებს გამომგზავნი. საიტი არ არის პასუხისმგებელი მის შემცველობაზე.