Translation tool beta version. Translation quality may be not a good
| ეკონომიკა: ნარმანია: ქუთაისისა და ფოთის თიზ-ებმა საკუთარი თავი ვერ გაამართლა |  | Business & Economics | |
 გაამართლა თუ არა მოლოდინები თავისუფალმა ინდუსტრიულმა ზონებმა ქუთაისსა და ფოთში და მოხერხდა თუ არა მუშაობის დაგეგმილ უზრუნველყოფაზე გადასვლა? ქუთაისის ზონაში დასაქმება 10 ათას ადამიანზეა გათვლილი, ამ ეტაპზე დაახლოებით 1 ათასი მუშაობს. ფოთის თიზ-მა დაახლოებით 5 ათასი ადამიანი უნდა უზრუნველყოს, მაგრამ ჯერჯერობით 250 მუშაობს.2009 წელს ქუთაისში, ყოფილი საავტომობილო ქარხნის ბაზაზე, თავისუფალი ინდუსტრიული ზონა შეიქმნა. შექმნის ინიციატორები იყვნენ ეგვიპტური ფირმა „ფრეში“ და მისი ქართული პარტნიორი „ჯორჯიან ინთერნეიშენალ ჰოლდინგი“. საქმიანობის სახეობა - საყოფაცხოვრებო გაზ-ელექტრონული ტექნიკის გამოშვება და რეალიზაცია. ოპერატორი კომპანიის ხელმძღვანელის მიხეილ ტიგიშვილის განცხადებით, ამ ეტაპზე 7 წარმოება ფუნქციონირებს და 1000 ადამიანია დასაქმებული. „ინტენსიური დასაქმება გრძელდება და წლის ბოლოსთვის რამდენიმე სერიოზული წარმოება გაიხსნება“, - თქვა მიხეილ ტიგიშვილმა, თუმცა წარმოებათა დასახელებისაგან თავი შეიკავა. რაც შეეხება ფოთის ინდუსტრიულ ზონას, იგი დაახლოებით ერთი წლის წინ გახსნეს და ოპერატორი გახლავთ „რაკ ჯორჯია“. PR-განყოფილების ხელმძღვანელის შალვა ბერაიას თანახმად, ამ ეტაპზე მუშაობით 250 ადამიანია უზრუნველყოფილი, მაგრამ პროექტის დასრულების შემდეგ, რაც, დაახლოებით, 5 წლის შემდეგ მოხდება, ამ ტერიტორიაზე დასაქმება 5000 ადამიანს მიაღწევს. ეკონომიკური საკითხების ექსპერტი დავით ნარმანია ამბობს, რომ ქუთაისისა და ფოთის თავისუფალი ინდუსტრიული ზონის პროექტებმა ვადების მიხედვით საკუთარი თავი ამოწურა და რეალური დასაქმება დღემდე არც ერთ მათგანში არ არის. „ამ ზონებმა საკუთარი თავი ვერც ხარისხობრივი და ვერც რაოდენობრივი მაჩვენებლებით გაამართლა. ორივე შემთხვევაში ძალიან ცოტა ადამიანია დასაქმებული“, - ამბობს დავით ნარმანია. მისივე თქმით, თუ წარმოებები მუშაობს და დასაქმება არის, მაშინ მონაცემები უნდა იყოს ოფიციალურ ანგარიშებში ან ზონების ელექტრონულ მისამართებზე უნდა იდოს. ფოთის ინდუსტრიულ ზონაში უკვე 72 კომპანიაა დარეგისტრირებული, თუმცა დასაქმების პროცესი ყველას არ დაუწყია. გეგმის მიხედვით, ქუთაისში, 2012 წლამდე სულ 12 წარმოება უნდა გაიხსნას. Source - bizzone
Share to:https://www.aspurcela.ge/asp-News_-_file_-_article_-_sid_-_3895.html
| |||
| Posted by Drakula | 14 Nov 2011, 21:06 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.20 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.