Translation tool beta version. Translation quality may be not a good
| პოლიტიკა: „ქართული პარტია“: ბიძინა ივანიშვილის განცხადება პროვოკაციაა და 90-იანი წლების რუსეთს ჰგავს |  | Georgian News | |
 „ქართულ პარტიაში“ პროვოკაციად მიიჩნევენ ბიძინა ივანიშვილის განცხადებას იმაზე, რომ პარტიის რიგები ერთ-ერთმა ლიდერმა სოზარ სუბარმა დატოვა, იუწყება “GHN“. „ქართულ პოლიტიკაში ბიძინა ივანიშვილის გამოჩენამ გარკვეული ეიფორია გამოიწვია. ივანიშვილის მხრიდან „ქართული პარტიისა“ და ერთ-ერთი ლიდერის ეროსი კიწმარიშვილის ნეგატიური და საკმაოდ გაუგებარი შეფასების მიუხედავად, „ქართულმა პარტიამ“ არა მხოლოდ თავი შეიკავა მასთან ამ თემაზე პოლემიკაში შესვლისაგან, არამედ სოზარ სუბარმა, „ქართული პარტიის“ სახელით, მასთან თანაშრომლობის მზადყოფნა გამოთქვა“, - ნათქვამია განცხადებაში.პარტიაში აღნიშნავენ, რომ ეროსი კიწმარიშვილმა ივანიშვილს ტელეარხ „მაესტროზე“ საკმაოდ კონსტრუქციული თანამშრომლობა შესთავაზა. „ჩვენ ივანიშვილისაგან მორიგი განცხადება მოვისმინეთ იმაზე, რომ სუბარმა „ქართული პარტიიდან“ წასვლის შესახებ განცხადება გააკეთა. მიუხედავად კამპანიისა, რომელიც ბოლო დროს მედიაში ტარდება, თითქოს-და სუბარმა პარტია დატოვა, მისგან დამადასტურებელი განცხადება არავის უნახავს. ამ დროს, ბიძინა ივანიშვილის განცხადება აშკარად პროვოკაციულ ხასიათს ატარებს და, რბილად რომ ვთქვათ, რუსეთში 90-იანი წლების ბოლოს ბიზნესის კეთების პრინციპს ჰგავს: თუ ქარხანას ვერ ყიდულობ, მისი დირექტორი უნდა იყიდო“, - აღნიშნულია განცხადებაში. „ქართული პარტია“ აცხადებს, რომ სააკაშვილის წინააღმდეგ მაქსიმალურად ეფექტურად ბრძოლის მიდგომა აიძულებს მათ, კონსტრუქციულობა შეინარჩუნონ და არ ჩაერთონ ოპოზიციის ისეთ პოლიტიკაში, რომელიც მათ საერთო მიზნის მიღწევას დააშორებს. „ამიტომ ბიძინა ივანიშვილს მივმართავთ, დაე მისი შეფასებები ფაქტობრივ გარემოებებზე არ დაემსგავსოს მკითხაობას, რაზეც იგი თავად მიუთითებს ზოგიერთ ტელეარხს“, - აღნიშნულია განცხადებაში. Source - GHN
Share to:https://www.aspurcela.ge/asp-News_-_file_-_article_-_sid_-_3844.html
| |||
| Posted by Drakula | 08 Nov 2011, 19:07 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.20 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.