Translation tool beta version. Translation quality may be not a good
| ეკონომიკა: მედვედევი: რუსეთის ფედერაციის მსო-ში შესვლა ვაჭრობის ლიბერალიზაციას შეუწყობს ხელს |  | Business & Economics | |
 რუსეთის პრეზიდენტი დიმიტრი მედვედევი დარწმუნებულია, რომ რუსეთის მსოფლიო სავაჭრო ორგანიზაციაში (მსო) შესვლა ვაჭრობისა და ინვესტიციების ლიბერალიზაციას ხელს შეუწყობს. „სახელმწიფოს მთავარი ამოცანა იმაშია, რომ უზრუნველყოს მაკროეკონომიკური სტაბილურობა, შეამციროს ბარიერები ბიზნესისთვის და კერძო ინიციატივა წაახალისოს. მიმაჩნია, რომ „ოცეულის“ ქვეყნებმა ამ საკითხში ლიდერობა უნდა გამოიჩინონ და ყოველმხრივ შეუწყონ ხელი ვაჭრობისა და ინვესტიციების ლიბერალიზაციას. დარწმუნებული ვარ, რომ რუსეთის მსო-ში დიდი ხნის ნანატრი გაწევრიანება საერთო საქმეში კარგი წვლილი შეიძლება გახდეს“, - თქვა მედვედევმა, როდესაც „ოცეულის ჯგუფის“ ბიზნეს-სამიტზე გამოდიოდა.მისი თქმით, ეს არა მხოლოდ რუსეთისთვის, არამედ რუსეთის ფედერაციის ყველა პარტნიორისთვის არის ხელსაყრელი. მედვედევმა იმედი გამოთქვა, რომ წელს რუსეთის ფედერაცია მსო-ში გაწევრიანდება, რაც „კარგი ამბავი“ გახდება. ამასთან ერთად, რუსეთის პრეზიდენტმა ხაზი გაუსვა, რომ სწორედ მსხვილ ბიზნესს მოუწევს საკუთარ თავზე ლიდერობის აღება და ფინანსური ინსტიტუტების მდგრადობის უზრუნველყოფა საკუთარი ძალებით. „ცხადია, იქ, სადაც პრობლემები სუვერენული ვალებით არის გამოწვეული, სახელმწიფოებმა ბიზნესს მხარი უნდა დაუჭირონ“, - აღნიშნა მედვედევმა. რუსეთი მსო-ს წევრად გახდომას 1993 წლიდან ცდილობს. ამისათვის ორგანიზაციის ყველა წევრის თანხმობაა საჭირო. Source - bizzone
Share to:https://www.aspurcela.ge/asp-News_-_file_-_article_-_sid_-_3818.html
| |||
| Posted by Drakula | 04 Nov 2011, 19:30 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.