Translation tool beta version. Translation quality may be not a good
| ეკონომიკა: საშუალო ხელფასის დინამიკა საქართველოში |  | Business & Economics | |
 „საქსტატის“ მონაცემებით, 2011 წლის მეორე კვარტალში, წინა წლის ანალოგიურ პერიოდთან შედარებით, საშუალო თვიური ხელფასის დონე სამეწარმეო და არასამეწარმეო დარგებში 13.9%-ით და 13%-ით გაიზარდა. სამეწარმეო სფეროში ყველაზე მაღალანაზღაურებადი პროფესიებია ოპერაციები უძრავ ქონებასთან, იჯარა და მომხმარებლისათვის მომსახურების გაწევა (საშუალო თვიური ხელფასი - 882.9 ლარი), ყველაზე დაბალანაზღაურებადია - თევზეულის რეწვა-მეთევზეობა (საშუალო თვიური ხელფასი - 276.3 ლარი). არასამეწარმეო სფეროში ფინანსური საქმიანობა ყველაზე მაღალანაზღაურებადია (საშუალო თვიური ხელფასი - 1476.3 ლარი), ხოლო განათლება - ყველაზე დაბალანაზღაურებადი (საშუალო თვიური ხელფასი - 308.2 ლარი).სამეწარმეო დარგში მაღალანაზღაურებადი პროფესიების სამეულში შედის ტრანსპორტი და კავშირგაბმულობა (საშუალო თვიური ხელფასი 868.3 ლარი) და ელექტროენერგიის, გაზისა და წყლის წარმოება და გადანაწილება (საშუალო თვიური ხელფასი - 862 ლარი). 2007-2011 წლების მეორე კვარტალში ამ პროფესიების საშუალო თვიური ანაზღაურება ყოველწლიურად 15.9%-ით გაიზარდა. არასამეწარმეო დარგში მაღალანაზღაურებადი პროფესიების სამეულში შედის სახელმწიფო მართვა (საშუალო თვიური ხელფასი 1046 ლარი) და ჯანდაცვა და სოციალური დახმარება (საშუალო თვიური ხელფასი 723.3 ლარი). ამ პროფესიებში 2007-2011 წლების მეორე კვარტალში შრომის საშუალო თვიური ანაზღაურება ყოველწლიურად 21.4%-ით გაიზარდა. სამეწარმეო და არასამეწარმეო დარგებში ყველაზე დაბალანაზღაურებადი პროფესიების ხელფასი იმავე პერიოდში საშუალოდ 30%-ჯერ და 23%-ჯერ გაიზარდა, შესაბამისად. არასამეწარმეო დარგის ცხრა პროფესიის საშუალო თვიური ხელფასი 2007-2011 წლების მეორე კვარტალში ყოველწლიურად 23.7%-ით იზრდებოდა, ხოლო სამეწარმეო დარგის ცამეტი პროფესიისა - 16.4%-ით. Source - bizzone
Share to:https://www.aspurcela.ge/asp-News_-_file_-_article_-_sid_-_3808.html
| |||
| Posted by Drakula | 03 Nov 2011, 20:25 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.