საქართველოში უმუშევრობა 2.5%-ჯერ უფრო მაღალია, ვიდრე მეზობელ ქვეყნებში » Business & Economics

News › Georgian News • World News • Business & Economics • Trade Shows & Forums •
Politics • Economics • Culture • People • Environment • Science-Technologies • Sports • Show-business • Criminalistics • it's Interesting •

Translation tool beta version. Translation quality may be not a good

	ეკონომიკა: საქართველოში უმუშევრობა 2.5%-ჯერ უფრო მაღალია, ვიდრე მეზობელ ქვეყნებში	Business & Economics
ოფიციალური სტატისტიკის მიხედვით 2010 წელს საქართველოში უმუშევრობამ 16.3% შეადგინა. მეზობელ სომხეთში ეს მაჩვენებელი 7%-ს უდრის, აზერბაიჯანში - 6%-ს, რუსეთში - 7.5%-ს. უკრაინაში უმუშევრობის მაჩვენებელი 8.1%-ის ტოლია. ამ სტატისტიკას ექსპერტები ყველა ქვეყანაში აკრიტიკებენ და აცხადებენ, რომ უმუშევრობის რეალური დონე არსებითად აღემატება ოფიციალურ მაჩვენებლებს. პრეზიდენტ სააკაშვილის განცხადებით, 2013 წლისთვის უმუშევრობა 16%-დან 10%-მდე შემცირდება. სტატისტიკური მონაცემებით, ბოლო ოთხი წლის განმავლობაში საქართველოში უმუშევრობის მაჩვენებლი გაიზარდა. 2007 წელს უმუშევრობის დონე შეადგენდა 13.3%-ს, ხოლო 2010 წელს ეს მაჩვენებელი 16.3%-ს უდრიდა. საქართველო, ისევე როგორც მსოფლიოს მრავალი ქვეყანა, მათ შორის აზერბაიჯანი, სომხეთი, უკრაინა და რუსეთი უმუშევრობის დონეს ერთი და იგივე მეთოდოლოგიით ანგარიშობს. ამავე დროს, მსოფლიო შრომის ორგანიზაციის კანონმდებლობა დასაქმებულებად თვითდასაქმებულ ადამიანებსაც მიიჩნევს. იმავე სტანდარტით, უმუშევრად მიჩნეულია პირი, რომელიც 15 და უფრო მეტ ასაკს არის მიღწეული, რომელსაც გამოკითხვის მომენტამდე 7 დღით ადრე არც ერთი საათი უმუშავია, ხოლო სამსახურს ოთხი კვირის განმავლობაში ეძებდა. ასე რომ, ადამიანი, რომელიც საკუთარ ბოსტანში მუშაობს ან საქონელს უვლის, უმუშევრად მიჩნეული არ არის. სწორედ ამიტომ, სასოფლო ადგილების მაცხოვრებლებს შორის უმუშევრობა უფრო ნაკლებია, ვიდრე ქალაქში. საქართველოს მეზობელ ქვეყნებს რაც შეეხება, მაგალითად, აზერბაიჯანელი ექსპერტი საჰიბ მამედოვი არ ენდობა მაჩვენებლებს, რომლებსაც მოხელეები ასახელებენ და აცხადებს, რომ ისინი რეალურებთან შედარებით 10-ჯერ შეამცირეს. Source - bizzone Share to: facebook tweeter buzz stumbleupon myspace https://www.aspurcela.ge/asp-News_-_file_-_article_-_sid_-_3737.html
Posted by Drakula \| 25 Oct 2011, 19:18 \| News »

"ეკონომიკა: საქართველოში უმუშევრობა 2.5%-ჯერ უფრო მაღალია, ვიდრე მეზობელ ქვეყნებში" | Login/Create an Account | 0 comments
The comments are owned by the poster. We aren't responsible for their content.

No Comments Allowed for Anonymous, please register