Translation tool beta version. Translation quality may be not a good
| ეს საინტერესოა: ამერიკელი წინასწარმეტყველი: სამყაროს დასასრული აუცილებლად დადგება |  | World News | |
 ცნობილი ამერიკელი მქადაგებელი ჰაროლდ კემპინგი აგრძელებს იმის მტკიცებას, რომ სამყაროს დასასრული აუცილებლად დადგება. მან კიდევ ერთხელ განუცხადა თავის თაყვანისმცემლებს, რომ სამყარო 2011 წლის 21 ოქტომბერს 18:00 საათზე (თითოეულ საათის სარტყელში) დაიღუპება. მორიგ აუდიოგზავნილში საიტზე Family Radio Networkკემპინგი ირწმუნება, რომ აპოკალიფსი უკვე შემდეგ პარასკევს დადგება. „ამჯერად, როგორც ჩანს, ეს ყველაფრის ნამდვილი დასასრული იქნება“, - დაამატა მან.ეს პირველი შემთხვევა არ არის, როდესაც კემპინგი სამყაროს დასასრულს პირდება. 17 წლის წინ მღვდელმა განაცხადა, რომ აპოკალიფსი 1994 წლის 15 სექტემბერს დადგებოდა. როდესაც ეს არ მოხდა, მან ახსნა, რომ გათვლებში შეცდომა დაუშვა. კემპინგის თქმით, მან მათემატიკური სისტემა გამოიგონა, რომელიც საშუალებას აძლევს, ბიბლიაში ფარული წინასწარმეტყველებანი განმარტოს. თუმცა, სისტემა შემდგომშიც იძლეოდა შეცდომებს. კემპინგი მორიგი წინასწარმეტყველებით 2011 წლის დასაწყისში გამოვიდა, როდესაც განაცხადა, რომ ბოლო წლების კატასტროფული მიწისძვრები საშინელი განკითხვის მოახლოებას მოასწავებს. მღვდელის თქმით, კატასტროფა 21 მაისს უნდა მომხდარიყო. როდესაც 21 მაისი დადგა და დასრულდა, კემპინგმა ახსნა, რომ სინამდვილეში იქნება სამყაროს ორი დასასრული - „სულიერი“ და „ფიზიკური“. მისი თქმით, 21 მაისს „მთელი სამყარო შიშისაგან შეირყა“ და ამით იგი „სულიერად განადგურდა“. ამდაგვარად, ღმერთმა „მიაღწია ზუსტად იმას, რაც ჩაფიქრებული ჰქონდა“. რაც შეეხება აპოკალიფსის ახალ თარიღს - 21 ოქტომბერს - ეს უკვე სამყაროს „ფიზიკური“ დასასრული იქნება. როგორც კემპინგმა ახსნა, ეს შეუმჩნევლად მოხდება. მისი თქმით, იგი ძალიან დიდხანს ფიქრობდა ამაზე და მივიდა დასკვნამდე, რომ „სამყაროს დასასრული ძალიან, ძალიან ჩუმად დადგება“. ივნისში კემპინგმა ინსულტი გადაიტანა. ბევრის აზრით, ავადმყოფობა აიძულებდა მას, უარი ეთქვა რადიოში რეგულარულ გამოსვლებზე, მაგრამ ეს პროგნოზები მცდარი აღმოჩნდა. წინასწარმეტყველს თავისი წინასწარმეტყველებებით დიდი მოგება მოაქვს Family Radio-სთვის, რომელიც პირდაპირ ეთერში მის გამოსვლებს უშვებს. ამჟამად არაკომერციული რადიოსადგურის აქტივების ღირებულებამ 100 მილიონ დოლარს გადააჭარბა. Source - day.az
Share to:https://www.aspurcela.ge/asp-News_-_file_-_article_-_sid_-_3681.html
| |||
| Posted by Drakula | 19 Oct 2011, 17:49 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.27 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.