Translation tool beta version. Translation quality may be not a good
| ეკონომიკა: ობამას მიაჩნია, რომ მან შეძლო ეკონომიკის სტაბილიზაცია |  | World News | |
 ბარაკ ობამას მიაჩნია, რომ მისმა ადმინისტრაციამ ქვეყნის ეკონომიკის სტაბილიზაცია შეძლო. ასეთი მოსაზრება აშშ-ის პრეზიდენტმა გუშინ, 12 სექტემბერს, ტელეარხ ენ-ბი-სისთვის მიცემულ ინტერვიუში გამოთქვა. „ჩვენ ეკონომიკის სტაბილიზაცია შევძელით და ეს უდიდესი მიღწევაა, - განაცხადა სახელმწიფოს მეთაურმა. - მაგრამ ეს ჯერ სულ არ არის. ახლა ყველაზე მთავარი ამერიკელებისთვის სამუშაო ადგილების დაბრუნებაა“.ამასთან დაკავშირებით პრეზიდენტმა კიდევ ერთხელ აღნიშნა, რომ მის მიერ შემუშავებული „კანონპროექტი ამერიკაში სამუშაო ადგილების შექმნის შესახებ“ ქვეყანაში ფინანსურ-ეკონომიკური სიტუაციის გაუმჯობესების გეგმის საკვანძო ელემენტია. „ღონისძიებათა ეს პაკეტი რეცესიის მეორე ტალღისაგან დაზღვევას მოგვცემს, ხელს შეუწყობს ეკონომიკის ზრდას და ხალხს სამსახურს დაუბრუნებს, - თქვა ბარაკ ობამამ. - ეს სწორედ ისაა, რასაც ამერიკელები უკვე დღეს ელოდებიან“. ინტერვიუს მსვლელობაში ამერიკელმა ლიდერმა ასევე აღნიშნა, რომ „თავის შემცირებად რეიტინგს განსაკუთრებულ ყურადღებას არ აქცევს“ და „რესპუბლიკელთა დებატებს თვალს არ ადევნებს“. „აშშ-ის პრეზიდენტს თავისი სამუშაო არ უნდა აღელვებდეს, მას უნდა აღელვებდეს სამუშაო ადგილები თავისი მოქალაქეებისათვის, - განაცხადა ბარაკ ობამამ. - რაც შეეხება რესბპუბლიკელთა დებატებს, მე ჩემ საკუთარსაც კი არ ვუყურებდი, სხვაზე რაღა უნდა ვთქვა“. „მოდით, დაველოდოთ, სანამ ისინი ერთიან კანდიდატს აირჩევენ და მაშინ ჩვენ დრო გვექნება, მათთან დებატების არა ერთი რაუნდი ჩავატაროთ“, - თქვა პრეზიდენტმა. ბარაკ ობამა თეთრ სახლში 2009 წლის იანვარში მოვიდა, როდესაც ქვეყანა მხოლოდ იწყებდა გამოსვლას სერიოზული ეკონომიკური კრიზისიდან, რომელიც 2007 წლის დეკემბერში დაიწყო და ამერიკელებს 7.5 მლნ სამუშაო ადგილი წაართვა. თუ ადმინისტრაციის უფროსის სახით პირველი თვეების განმავლობაში მას შეეძლო ოპონენტთა თავდასხმების არიდება იმის ხაზგასმით, რომ მას მისი წინამორბედის - რესპუბლიკელის ჯორჯ ბუში-უმცროსისაგან მძიმე ეკონომიკური მემკვიდრეობა ხვდა წილად, ახლა ამომრჩევლები დამატებითი სამუშაო ადგილების შექმნისა და ეკონომიკის ზრდის დაჩქარების უუნარობას უკვე უშუალოდ მოქმედ პრეზიდენტს აბრალებენ. რესპუბლიკელები, თავის მხრივ, აკრიტიკებენ მის ადმინისტრაციას ხაზინიდან შეუკავებელი ხარჯებისთვის და თან აღნიშნავენ, რომ ეს საბიუჯეტო დეფიციტის შემდგომ ზრდას უწყობს ხელს. 2010 და 2011 წლებში იგი 1.3 ტრლნ დოლარს აჭარბებდა. ამჟამად აშშ-ში უმუშევრობა იმავე დონეზე რჩევა, რაც თვით ადრე - 9.1 პროცენტზე. სამსახური 14 მლნ-ზე მეტ ამერიკელს არა აქვს. Source - Грузия Online
Share to:https://www.aspurcela.ge/asp-News_-_file_-_article_-_sid_-_3429.html
| |||
| Posted by Drakula | 13 Sep 2011, 19:37 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.21 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.