Translation tool beta version. Translation quality may be not a good
| პოლიტიკა: კირტაძე: „სასკოლო სახელმძღვანელოების ღირებულება 100-დან 260 ლარამდე მერყეობს“ |  | Georgian News | |
 საქართველოს ლეიბორისტული პარტია სპეციალური განცხადებით მიმართავს ხელისუფლებებს სასკოლო სახელმძღვანელოებსა და სასკოლო ნივთებზე მაღალ ფასებთან დაკავშირებით. როგორც გუშინ, 9 სექტემბერს, პარტიის ოფისში ჩატარებულ პრეს-კონფერენციაზე ლეიბორისტთა საერთაშორისო მდივანმა ნესტან კირტაძემ განაცხადა, სახელმძღვანელოთა კატასტროფული ფასები არა მხოლოდ სოციალური პრობლემაა, ეს საერთოეროვნული პოლიტიკის საკითხია, რომელიც საქართველოს მომავალს უკავშირდება.„კერძოდ: ხელისუფლებებისა და განათლების სამინისტროს მიერ გაპიარებული ფარსი სასკოლო სახელმძღვანელოებზე მინიმალურ ფასებთან დაკავშირებით აბსოლუტური სიცრუეა, სინამდვილეში ეს ფასები კატასტროფულია და 100-დან 260 ლარამდე მერყეობს, რასაც ემატება ასევე კატასტროფული ფასები სასკოლო ნივთებზე. შეგახსენებთ, რომ უსასრულო ექსპერიმენტების წყალობით, რომლებსაც საგანმანათებლო რეფორმა ეწოდება, ახალი წიგნების შეძენა სავალდებულოა ყოველი წლისთვის, რაც მხოლოდ მონოპოლისტური კომპანიებისა და სამთავრობო კლანების ბიზნეს-ინტერესებს ემსახურება. ყველაფერი ეს შეუძლებლად ხდის საქართველოს მოსახლეობის აბსოლუტური უმრავლესობის მიერ თავისი ბავშვების უზრუნველყოფას თუნდაც საშუალო განათლებით“, - განაცხადა კირტაძემ და დაამატა, რომ ლეიბორისტული პარტია წიგნებისა და სასკოლო ნივთებისათვის განკუთვნილ საბეჭდ მასალებზე საბაჟო გადასახადის გაუქმებას მოითხოვს, რაც წიგნებისა და სასკოლო ნივთების ღირებულებას, სულ ცოტა, ნახევრით შეამცირებს. „კეთილი ინებეთ უზრუნველყოთ მოსწავლეები, მითუმეტეს, სოციალურად დაუცველნი, რომლებსაც ქვეყნის აბსოლუტური უმრავლესობა წარმოადგენს, უფასო სახელმძვანელოებითა და სასკოლო ნივთებით. დიახ, უფასოდ, მოსწავლეებისა და მათი ოჯახებისათვის. გასწიეთ შესაბამისი ხარჯები სახელმწიფო ბიუჯეტიდან, კერძოდ, პრეზიდენტისა და თბილისის მერის მრავალმილიონიანი სარეზერვო ფონდებიდან, რომლებიც დახურულია და გამოიყენება იაფი შოუებისთვის, კონცერტებისა და მათი გართობებისათვის. მივმართავთ გაეროს ბავშვთა დაცვის საერთაშორისო კომიტეტსა და გაერის თბილისის ოფისს საშუალო განათლების სოციალური დაცვის საკითხების მუდმივი და თანამიდევრული მონიტორინგის განხორციელების თხოვნით“, - განაცხადა მან. Source - Грузия Online
Share to:https://www.aspurcela.ge/asp-News_-_file_-_article_-_sid_-_3402.html
| |||
| Posted by Drakula | 11 Sep 2011, 20:38 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.