Translation tool beta version. Translation quality may be not a good
| პოლიტიკა: რუსი დეპუტატები ონიშენკოს: დააბრუნეთ ქართული ღვინოები! |  | World News | |
 რუსი დეპუტატები მთავარი სანიტარისაგან - ონიშენკოსაგან რუსეთში ქართული ღვინოების დაბრუნებას მოითხოვენ. ამის შესახებ განაცხადა „როსპოტრებნადზორის“ უფროსმა „ახალი ამბების რუსული სამსახურისთვის“ მიცემულ ინტერვიუში.„ჩვენ ჩვენი სახელმწიფო დუმის მეშვეობით რამდენიმე დეპუტატმა მოგვმართა, მოვიდა სავსებით ნორმალური ხალხი და ამბობს: „ასე როგორ შეიძლება? ჩვენ გვინდა!“. ვინ დავობს ამაზე? მაგრამ თქვენ, დეპუტატები, არ მჭირდებით, მე მჭირდება ის ხალხი, ვინც აწარმოებს ღვინოს და მიწოდებისთვის მზად არის. მე კიდევ ერთხელ განვუცხადე მათ, რომ, როგორც კი ასეთი ხალხი მოვა, ჩვენ მათ შევამოწმებთ“, - თქვა გენადი ონიშენკომ. „ჩვენ ადგილზე მივალთ, მეღვინეობის პროდუქციის წარმოების ტექნოლოგიას დავათვალიერებთ, დავარეგისტრირებთ ამ პროდუქციას, როგორც ახალ პროდუქციას რუსეთისთვის. შემდეგ ისინი ჩვენ პარტიებს მოგვაწოდებენ, რომლებიც გაკონტროლდება - გეთაყვა, ივაჭრეთ“, - განმარტა „როსპოტრებნადზორის“ უფროსმა შემოწმების პროცედურა. მაგრამ ონიშენკოს თქმით ქართული კომპანიები ნებართვისთვის მიმართვას არ ჩქარობენ. ქართული მეღვინეებისა და რუსული „როსპოტრებნადზორის“ მხრიდან „საერთო ენის“ პოვნის სურვილის უქონლობაში რუსეთის ფედერაციის მთავარმა სანიტარულმა ექიმმა ქართული ხელმძღვანელობა დაადანაშაულა. „ჩემს ნებისმიერ განცხადებას მაშინვე მოსდევს ამ ქვეყნის ძალიან უცნაური ხელმძღვანელობის რეაქცია. ისინი ამბობენ: „არა, არ წახვიდეთ რუსეთში, ისინი მოგატყუებენ“. ონიშენკო კი ქართველი ბიზნესმენებისადმი თავის ლოიალურობაში ირწმუნება: „მოვლენ ბიზნესმენები - მშვიდად ვიმუშავებთ. თუ ისინი ჩვენს რუსულ ეროვნულ მოთხოვნებს დაიცავენ, დაე იმუშაონ“. Source - bizzone
Share to:https://www.aspurcela.ge/asp-News_-_file_-_article_-_sid_-_3326.html
| |||
| Posted by Drakula | 05 Sep 2011, 20:08 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.