Translation tool beta version. Translation quality may be not a good
| კულტურა: რუსთაველის თეატრის დასი: ის, რაც მოხდა, ბევრად უფრო მეტია, ვიდრე უბრალოდ რობერტ სტურუასდათხოვნა |  | Georgian News | |
 შოთა რუსთაველის სახელობის თეატრის დასი თავის სამხატვრო ხელმძღვანელს გამოექომაგა და რობერტ სტურუას დათხოვნის ფაქტს შემაფიქრიანებლად მიიჩნევს. პროტესტის ნიშნად თეატრის თანამშრომლები დღეს, 22 აგვისტოს, 12:00 საათზე სპეციალურ აქციას ჩაატარებენ, იუწყება “GHN“.როგორც მსახიობთა საგანგებო განცხადებაშია ნათქვამი, საქმე ბევრად უფრო ცუდადაა, ვიდრე ერთი შეხედვით ჩანს, ვინაიდან მომხდარი ბევრად უფრო მეტია, ვიდრე უბრალოდ სტურუას დათხოვნა. „რა აღარ აქვს გადატანილი თეატრს თავისი არსებობის მანძილზე, მაგრამ ასეთი ერთსულოვანი არასდროს ყოფილა. დღეს ყველა გაკვირვებულია. საქმე ბევრად უფრო ცუდადაა, ვიდრე ვფიქრობთ, მაგრამ როგორ რთულ პერიოდშიც არ უნდა ვცხვორბდეთ, ადამიანური სახე არ უნდა დავკარგოთ. ნებისმიერი ჩვენი ქმედება უნდა იყოს ადეკვატური, ვაჟკაცური და პრინციპული. ნუთუ რთულია მიხვედრა იმისა, თუ რა ხდება დღეს საქართველოში, ჩვენს სამშობლოში. 2011 წლის 9 აგვისტოდან რობერტ სტურუა აღარ არის რუსთაველის თეატრის ხელმძღვანელი - იგი დაითხოვეს. რას ნიშნავს ეს? ჩვენ აღარ გვჭირდება სტურუას სპექტაკლები, რომლებიც სავსეა სინათლით, კაცთმოყვარეობით, სულიერობით, ტალანტით, ხვალინდელი დღის იმედით, მაღალი გემოვნებით, ქვეყნის მიმართ სიყვარულით? არა, ბატონებო! ასე არ გამოვა! ჩვენთვის რობერტ სტურუა თეატრის სამხატვრო ხელმძღვანელია!“, - ხაზგასმულია განცხადებაში. განცხადებას ხელი მოაწერეს შემდეგმა პირებმა: გ. საღარაძე, კ, კავსაძე, ჯ. ღაღანიძე, თ. დოლიძე, ჟ. ლოლაშვილი, ზ. კვერენჩხილაძე, მ. კახიანი, ზ. ლებანიძე, დ. უფლისაშვილი, ლ. ხურცია, თ. ჭიჭინაძე, ზ. პაპუაშვილი, ლ. ფოფხვაძე, ნ. კანტიძე, გ. ბარბაქაძე, ბ. ჩაჩიბაია, გ. გიორგაძე, მ. ჯანაშია, კ. ფურცელაძე, მ. შველიძე, ს. აბრამიშვილი, დ. პაპუაშვილი, ლ. ბერიკაშვილი, ზ. პაპუაშვილი, ე. მოლოდინაშვილი, პ. გულიაშვილი. უ. სუხიტაშვილი, ზ. შარია, მ. გამცემლიძე, ლ. ოგანეზოვი, მ. აბრამიშვილი, ი. სანაია, ტ. სარალიძე, ნ. მაყაშვილი, რ. მაყაშვილი, ნ. კასრაძე, ნ. არსენიშვილი, დ. დარჩია, ნ. სუსკივაძე, გ. გველესიანი, ე. მინაშვილი, დ. კვირცხალია, ლ, ალიბეგაშვილი, მ. დინარია, ლ, ახალაია, ნ. კაცარიძე, რ. ჩხეიძე, გ. მესხიშვილი. Source - GHN
Share to:https://www.aspurcela.ge/asp-News_-_file_-_article_-_sid_-_3197.html
| |||
| Posted by Drakula | 22 Aug 2011, 20:01 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.17 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.