Translation tool beta version. Translation quality may be not a good
| ეს საინტერესოა: გამოკითხვამ ყველაზე ბედნიერი ევროპელები გამოავლინა |  | World News | |
 ეკონომიკურმა კრიზისმა, ფინანსურ ბაზრებზე არსებულმა არასტაბილურობამ, ისლანდიური ვულკანის ამოფრქვევამ, ჩრდილოეთ აფრიკიდან ლტოლვილების ნაკადმა ვერ შეარყიეს ევროპის მაცხოვრებელთა რწმენა საკუთარ ბედნიერებაში.როგორც მომავლის შეკითხვების ჰამბურგის ფონდის მიერ ჩატარებული გამოკითხვის შედეგები ადასტურებს, ევროპელთა ორ მესამედზე მეტი საკუთარ თავს სავსებით ბედნიერ ადამიანებად მიიჩნევს. განსაკუთრებით საკუთარი ცხოვრებით კმაყოფილები არიან დანიელები: ამ ქვეყნის რესპონდენტთა 96 პროცენტმა აღიარა, რომ ბედნიერია. როგორც ჩანს, ზღვა და მზე აიძულებს ბერძნებს დაივიწყონ თავიანთი გაჭირვებები. უცნაურია, მაგრამ ბერძნები მეორე ადგილზე მოხვდნენ (80 პროცენტი). მზის სხივები და წყალი, როგორც ჩანს, ნერვებს უკეთ აწყნარებს, ვიდრე საკუთარი ქვეყნის კეთილდღეობა და მაღალი საკრედიტო რეიტინგი, ვინაიდან „ლიდერთა“ სამეულს ისევ და ისევ სამხრეთი ქვეყანა - იტალია ასრულებს (79 პროცენტი). ამავე დროს, გერმანელებმა ბოლოდან მესამე სტრიქონი დაიკავეს (61 პროცენტი), გაუსწრეს რა პოლონელებსა (50 პროცენტი) და რუსებს, რომლებიც ბოლო ადგილზე აღმოჩნდნენ (37 პროცენტი). „ამით გერმანიის მაცხოვრებელმა დაადასტურეს თავიანთი პესიმისტთა რეპუტაცია“, - მიაჩნია ჰამბურგის ფონდის სამეცნიერო ხელმძღვანელს ულრიხ რაინჰარდტს. გამოკითხვის მიხედვით, საშუალოდ ევროპაში „ბედნიერი“ ადამიანების წილი 68 პროცენტს შეადგენს. პრაქტიკულად ყველა ქვეყანაში ერთნაირი ტენდენციები შეინიშნება: ქალები მამაკაცებზე უფრო ბედნიერებად გრძნობენ თავს, ხოლო სოფლის მაცხოვრებლები ქალაქელებზე უფრო პოზიტიურად აფასებენ საკუთარ ცხოვრებას. გარდა ამისა, ოჯახური წყვილები უფრო ბედნიერები არიან, ვიდრე მარტოხელები, ხოლო ევროპის მაცხოვრებლები შემოსავლის უფრო მაღალი დონით დაბალი შემოსავალის მქონე პირებთან შედარებით ბევრად უფრო კარგად გრძონებნ თავს, რაც ბუნებრივიცაა. ამასთან, ახალგაზრდა თაობა ამჟამინდელ რთულ პერიოდში საკუთარ თავს ყველაზე ბედნიერად აღიარებს და იმედით იყურება მომავალში, განსაკუთრებით ხაზი გაუსვა ულრიხ რაინჰარდტმა. გამოკვლევაში 13 ევროპული ქვეყნის დაახლოებით 15 ათასმა რესპონდენტმა მიიღო მონაწილეობა. Source - day.az
Share to:https://www.aspurcela.ge/asp-News_-_file_-_article_-_sid_-_3193.html
| |||
| Posted by Drakula | 20 Aug 2011, 20:20 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.09 Seconds | Memory Usage: 4.74 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.