Translation tool beta version. Translation quality may be not a good
| საზოგადოება: კიდევ რამდენიმე მოსკოვის თეატრია მზადა, რომ რობერტ სტურუა მიიღოს |  | Georgian News | |
 კიდევ ოთხმა მოსკოვის თეატრმა ქართველ რეჟისორთან რობერტ სტურუასთან თანამშრომლობის მზადყოფნაზე განაცხადა, იტყობინება მოსკოვის მერის მოადგილის ლუდმილა შვეცოვის მრჩეველი ალექსანდრე პუდინი.სააგენტო „ინტერფაქსის“ ინფორმაციით, გამოჩენილ რეჟისორთან რობერტ სტურუასთან ერთად თეატრალური დადგმების განხორციელების მზადყოფნა გამოთქვეს მოსსოვეტის სახელობის და ერმოლოვის სახელობის თეატრებმა, ბრონის თეატრმა, „სოვრემენიკმა“, ასევე გოგოლის სახელობის თეატრმა. მანამდე ოსტატთან თანამშრომლობის სურვილის შესახებ განაცხადეს თეატრ „Et Cetera“-ს ხელმძღვანელმა ალექსანდრე კალიაგინმა და თეატრ „თანამედროვე პიესის სკოლის“ ხელმძღვანელმა იოსიფ რაიხელგაუზმა. მერის მოადგილის მრჩეველმა ასევე თქვა, რომ პარასკევს რ. სტურუასაგან მოვიდა წერილი, რომელშიც იგი „ლუდმილა შვეცოვას მხარდაჭერისა და მოსკოვის თეატრებთან თანამშრომლობის შემოთავაზებისთვის ღრმა მადლობას უხდის“. რობერტ სტურუა შოთა რუსთაველის სახელობის სახელმწიფო აკადემიური თეატრის სამხატვრო ხელმძღვანელის თანამდებობიდან 15 აგვისტოს საქართველოს კულტურისა და ძეგლთა დაცვის მინისტრის ნიკოლოზ რურუას 9 აგვისტოს ბრძანებით გაათავისუფლეს. მინისტრის განცხადებით, რობერტ სტურუა თანამდებობიდან მის მიერ გამოთქმულ ეთნიკურ მეტაფორებთან დაკავშირებით გაათავისუფლეს. „სახელმწიფო, რომელიც თავიდანვე მულტიეთნიკური და მულტიკულტურულია, ვერ შეეგუება ქსენოფობიას და არ დააფინანსებს მას. ქსენოფობიის ქვეშ იგულისხმება ის გამოთქმები, ეთნიკური მეტაფორები, რომლებსაც სტურუა თავის მრავალრიცხოვან ინტერვიუებში ხმარობდა“, - განაცხადა ნიკოლოზ რურუამ. Source - Грузия Online
Share to:https://www.aspurcela.ge/asp-News_-_file_-_article_-_sid_-_3192.html
| |||
| Posted by Drakula | 20 Aug 2011, 20:19 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.14 Seconds | Memory Usage: 4.74 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.