Translation tool beta version. Translation quality may be not a good
| პოლიტიკა: საქართველოს სსს: რუსულმა მხარემ საქართველოს საკონსულო სექციის ნორმალური ფუნქციონირება არ უზრუნველყო |  | Georgian News | |
 მიუხედავად საქართველოს საგარეო საქმეთა სამინისტროს მრავალი მიმართვისა, რუსულმა მხარემ რუსეთში შვეიცარიის საელჩოს ქართული სექციის ნორმალური და შეუფერხებელი ფუნქციონირება არ უზრუნველყო. ამის შესახებ ნათქვამია საქართველოს საგარეო საქმეთა სამინისტროს განცხადებაში.უწყების ინფორმაციით, მიმდინარე თვეში უკვე მეორეჯერ, კერძოდ, 2011 წლის 17 აგვისტოს 10:40 საათზე ოსტოჟენკის ქუჩის #26/1-ის მისამართზე მდებარე შენობაში, საქართველოს ინტერესთა სექციას შეუწყდა ელექტროენერგიის მიწოდება, რის გამოც სექცია იძულებული იყო, შეეჩერებინა მოქალაქეთა საკონსულო მომსახურება. „აღნიშნული ქმედებებით რუსული მხარე არღვევს 1961 წლის ვენის კონვენციას დიპლომატიური ურთიერთობების შესახებ და შვეიცარიასა და რუსეთს შორის 2009 წლის 4 მარტს ნოტების გაცვლის გზით გაფორმებულ შეთანხმებას „შვეიცარიის კონფედერაციის მიერ რუსეთის ფედერაციაში საქართველოს ინტერესთა დაცვის შესახებ“. აბსოლუტურად გაუგებარი და მიუღებელია, როდესაც შენობის კორუფციული გარიგებების გზით რამდენჯერმე შეცვლილი მფლობელების დაუსაბუთებელი მოთხოვნის საფუძველზე ხდება სექციის მუშაობის შეჩერება, რის გამოც, პირველ რიგში, რიგითი მოქალაქეები ზარალდებიან. როგორც ცნობილია, 2011 წლის 12 აგვისტოს რუსეთის სსს-ში გამართულ შეხვედრაზე ქართულმა მხარემ საქართველოსა და რუსეთის საგარეო პოლიტიკურ უწყებებს შესთავაზა კონსულტაციების ჩატარება შვეიცარიული მხარის მონაწილეობით რუსეთში შვეიცარიის საელჩოს ქართული სექციისა და საქართველოში შვეიცარიის საელჩოს რუსული სექციის ნორმალური ფუნქციონირების უზრუნველყოფის მიზნით. უნდა აღინიშნოს, რომ სწორედ 16 აგვისტოს - ქართული სექციისთვის ელექტროენერგიის მიწოდების შეწყვეტამდე ერთი დღით ადრე - ჩვენ კონსულტაციების ჩატარებაზე უარი მივიღეთ. საქართველოს საგარეო საქმეთა სამინისტროში აღნიშნული საკითხის გადაჭრის მიზნით შეიქმნა სამუშაო ჯგუფი, მათ შორის განიხილება ქართული მხარის მიერ საპასუხო ზომების მიღების საკითხი“, - აღნიშნულია საქართველოს საგარეო პოლიტიკური უწყების განცხადებაში. Source - Грузия Online
Share to:https://www.aspurcela.ge/asp-News_-_file_-_article_-_sid_-_3154.html
| |||
| Posted by Drakula | 17 Aug 2011, 18:59 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.06 Seconds | Memory Usage: 4.74 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.