Translation tool beta version. Translation quality may be not a good
| ეკონომიკა: 2010 წელს პირდაპირმა უცხოურმა ინვესტიციებმა 814 მლნ დოლარი შეადგინა |  | Business & Economics | |
 საქართველოში პირდაპირი უცხოური ინვესტიციების შესახებ თავის საბოლოო მოხსენებაში, რომელიც 15 აგვისტოს გამოქვეყნდა, საქართველოს სტატისტიკის სამსახურმა (საქსტატმა) დააზუსტა 2010 წლის პირდაპირ უცხოურ ინვესტიციებთან დაკავშირებული წინასწარი მონაცემები და ინვესტიციების მოცულობის მონაცემები 553.1 მლნ დოლარიდან 814 მლნ დოლარამდე გაიზარდა.„საქსტატი“ აცხადებს, რომ „მკვეთრი განსხვავებები“ წინასწარ და საბოლოო მონაცემებს შორის განპირობებულია ახალ მეთოდოლოგიაზე გადასვლით, რომელიც „კომპანიათა კონსოლიდირებული ფინანსური მაჩვენებლების გამოყენებას ითვალისწინებს, რის გამოც გაიზარდა იმ ბიზნეს-სუბიექტთა რაოდენობა, რომლებიც გამოკვლევას ექვემდებარება“. მარტში გამოაქვეყნებული წინასწარი მონაცემებით, 2010 წელს საქართველოში პირდაპირი უცხოური ინვესტიციების მოცულობა წინა წელთან შედარებით 16%-ით შემცირდა. თუმცა, საბოლოო დაზუსტებული მონაცემები, რომელთა მიხედვითაც ინვესტიციების მოცულობა 814 მლნ დოლარს შეადგენს, წინა წელთან შედარებით 24%-იან ზრდას აჩვენებს. 2010 წელს პირდაპირი უცხოური ინვესტიციების დაზუსტებულმა მონაცემებმა ქვეყნის მშპ-ის 7% შეადგინა; 2009 წელს ეს მაჩვენებელი 6%-ს, ხოლო 2008 წელს - 12%-ს შეადგენდა. საბოლოო მონაცემებში ასევე დაზუსტებულია ქვეყნების მიხედვით ინვესტიციების შემოდინების მაჩვენებლები. წინასწარი მონაცემებით, ყველაზე მეტი ინვესტიცია შემოვიდა ნიდერლანდებში დარეგისტრირებული კომპანიებიდან - 143.2 მლნ აშშ დოლარი; საბოლოო მონაცემებში ეს მაჩვენებელი 73.4 მლნ დოლარამდე შემცირდა, რის შედეგადაც ნიდერლანდებმა გადაინაცვლა მესამე ადგილზე აშშ-სა (135.8 მლნ დოლარი) და თურქეთის (91.8 მლნ დოლარი) შემდეგ. დაზუსტებული მონაცემებით, საქართველოში 2010 წელს პირდაპირი უცხოური ინვესტიციების სხვა სამ ძირითად წყაროს წარმოადგენდა დიდი ბრიტანეთი - 59 მლნ დოლარი, აზერბაიჯანი - 58 მლნ დოლარი, არაბეთის გაერთიანებული საამიროები - 55.5 მლნ დოლარი. ასევე დაზუსტებულია პირდაპირი უცხოური ინვესტიციების გადანაწილება ეკონომიკის დარგებში. საბოლოო მონაცემებით, 2010 წელს პირდაპირი უცხოური ინვესტიციების უდიდესი ნაწილი მოპოვებითსა და გადამუშავებით მრეწველობაზე მოდიოდა - 228.8 მლნ დოლარი, ანუ 28.1%. ამას მოსდევს ტრანსპორტისა და კავშისგაბმულობის სექტორი - 215.1 მლნ დოლარი (26.4%), უძრავი ქონება - 119.3 მლნ დოლარი, ფინანსური სექტორი - 107.4 მლნ დოლარი (17.7%). Source - bizzone
Share to:https://www.aspurcela.ge/asp-News_-_file_-_article_-_sid_-_3144.html
| |||
| Posted by Drakula | 16 Aug 2011, 20:42 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.18 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.