Translation tool beta version. Translation quality may be not a good
| ეკონომიკა: ნიკოლაიშვილი: გაისად სამინისტროს მიერ დასაქმებულთა რიცხვი 60 000-ს გადააჭარბებს |  | Georgian News | |
 4 აგვისტოს, საქართველოს რეგიონალური განვითარებისა და ინფრასტრუქტურის მინისტრმა რამაზ ნიკოლაიშვილმა მასმედიას სამინისტროს მიერ განხორციელებული და მომავლისთვის დაგეგმილი პროექტები წარუდგინა.პრეს-კონფერენციაზე მინისტრმა ჟურნალისტებს წარუდგინა მონაცემები იმაზე, თუ რა ინვესტიციები განხორციელდა და რამდენი ადამიანი დაასაქმა სამინისტრომ 2009 და 2010 წლებში. ნიკოლაიშვილმა ასევე წარადგინა მონაცემები იმ ადამიანების რიცხვზე, რომლებიც მიმდინარე და 2011 წლისთვის დაგეგმილი პროექტებისთვის დაასაქმეს. მინისტრი 2012 წლის გეგმებზეც საუბრობდა და აღნიშნა, რომ მომავალ წელს სამინისტროს მიერ დასაქმებულთა რიცხვი 60 000-ს გადააჭარბებს. რამაზ ნიკოლაიშვილმა აღნიშნა, რომ „რეგიონალური განვითარებისა და ინფრასტრუქტურის სამინისტროს პრიორიტეტული მიმართულებებია: აღმოსავლურ-დასავლური ჩქაროსნული ავტომაგისტრალის მშენებლობა, საავტომობილო გზების, ხიდებისა და გვირაბების მშენებლობა და რეაბილიტაცია, ახალი სარკინიგზო ხაზის - ბაქო-თბილისი-ყარსის მშენებლობა და რეაბილიტაცია და წყალმომარაგების სისტემის რეაბილიტაცია. აღნიშნულ სფეროში 2009 წლის განმავლობაში 812 მილიონი ლარი იქნა ინვესტირებული, დასაქმდა 23 900 ადამიანი. 2010 წელს ინვესტიციები 912 მილიონ ლარამდე გაიზარდა. დასაქმებულთა რიცხვმა 31 000-ს მიაღწია. 2011 წლის ბოლოსთვის სამინისტრო 44 400 ადამიანს დაასაქმებს და ინვესტიციების მოცულობა 1 მილიარდ 386 მილიონ ლარს მიაღწევს. 2012 წლისთვის დაგეგმილია 1 მილიარდ 838 მილიონი ლარის ოდენობის ინვესტიციების განხორციელება და 62 500 ადამიანის დასაქმება“, - განაცხადა ნიკოლაიშვილმა. მისი თქმით, საქართველოში არსებული 7 კილომეტრი გზიდან თითქმის ნახევრის - 3 ათასი კილომეტრის რეაბილიტაცია ჩატარდა. მინისტრის ცნობით, აშენდა 33 და რეაბილიტირებულ იქნა 78 ხიდი, შენდება ოთხი გვირაბი, ხოლო ერთი რეაბილიტაციას გადის. ნიკოლაიშვილი სარკინიგზო სფეროში დაგეგმილ პროექტებზეც საუბრობდა. მისი თქმით, ბაქო-თბილისი-ყარსის სარკინიგზო მაგისტრალის პროექტი ითვალისწინებს 25 კმ სიგრძის რკინიგზის მშენებლობასა და არსებული 160 კილომეტრის რეაბილიტაციას. მინისტრის განცხადებით, სერიოზული სამუშაოები წყალმომარაგების სფეროშიც ტარდება. შესაბამისი პროექტები საქართველოს 27 მუნიციპალიტეტში წარმოებს. ასევე დაწყებულია წყალმომარაგების სისტემის სრული რეაბილიტაცია საქართველოს ექვს დიდ ქალაქში. Source - bizzone
Share to:https://www.aspurcela.ge/asp-News_-_file_-_article_-_sid_-_3065.html
| |||
| Posted by Drakula | 05 Aug 2011, 19:14 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.