Translation tool beta version. Translation quality may be not a good
| გარემო: სპეციალისტები: მზეზე აფეთქების გამო მოსალოდნელია ძლიერი მაგნიტური ქარიშხალი |  | World News | |
 აფეთქება, რომელიც მზეზე გუშინ, 2 აგვისტოს მოხდა, დედამიწაზე მაგნიტურ ქარიშხალს გამოიწვევს, რომელსაც 4 და 5 აგვისტოს ექნება ადგილი, იუწყება “GHN“.ამის შესახებ РИА Новости-ს უთხრა დედამიწის მაგნეტიზმის, იონოსფეროსა და რადიოტალღების გავრცელების ინსტიტუტის კოსმოსური ამინდის პროგნოზების ცენტრის ხელმძღვანელმა სერგეი გაიდაშმა. „27 რიცხვში (ივლისის თვისა) ადგილი ჰქონდა M.9 კლასის აფეთქებას და დღეს იყო M.3 კლასის აფეთქება. ამასთან, თუ პირველი აფეთქება ძალიან მოკლე იყო - იგი მხოლოდ 8 წუთს გაგრძელდა, მეორე ჯერაც გრძელდება და მას თან მოჰყვა მზის პლაზმის ამოფრქვევა, რომელიც, მათ შორის, ჩვენკენ იყო მიმართული“, - თქვა გაიდაშმა. მზეზე აფეთქებები რენტგენული გამოსხივების სიმძლავრის მიხედვით იყოფა ხუთ კლადა: A, B, C, M და X. მინიმალური კლასი A0.0შეესაბამება გამოსხივების სიმძლავრეს დედამიწის ორბიტაზე კვადრატულ მეტრზე 10 ნანოვატის ოდენობით. შემდეგ ასოზე გადასვლასთან ერთად სიმძლავრე ათჯერ იზრდება. „სადღაც დღის ბოლოს 4 და 5 აგვისტოს მოსალოდნელია მცირე მაგნიტური ქარიშხალი, თუმცა იგი შეიძლება დიდი გახდეს“, - აღნიშნა გაიდაშმა. მან განმარტა, რომ აქტიურობის ასეთი ამაღლება, რომელიც 26 ივლისს დაიწყო, მზის „სიცოცხლის“ ამჟამინდელი პერიოდისთვის ნორმალურია. მისი თქმით, აფეთქების თანმდევი კორონალური ამოფრქვევების სიჩქარემ წამში 1.1 ათას კილომეტრს მიაღწია. Source - GHN
Share to:https://www.aspurcela.ge/asp-News_-_file_-_article_-_sid_-_3052.html
| |||
| Posted by Drakula | 03 Aug 2011, 21:10 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 3  |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.