სამხედრო ექსპერტ ირაკლი ალადაშვილს ეეჭვება, ისრაელმა საქართველოს „მერკავა-4“-ის ტიპის ულტრათანამედროვე ტანკები მიჰყიდოს. როგორც ალადაშვილმა „პირველს“ განუცხადა, „ჯერ არ ყოფილა შემთხვევა, ისრაელის თავდაცვის სამინისტროს რომელიმე ქვეყნისთვის „მერკავა-4“ მიეყიდა“.
ფრანგულმა კომპანია Danone-მ თავისი ბუტილირებული წყლის წარმოების ბიზნესი შესაძლებელია იაპონურ Kirin Holdings Co-ს, Asahi Breweries Ltd.-ს ან Suntory Holdings Ltd.-ს მიჰყიდოს. Danone-ს ეკუთვნის ისეთი ბრენდები, როგორებიცაა Evian და Volvic. ანალიტიკოსთა თქმით, მოლაპარაკებები ადრეულ სტადიაზე იმყოფება და მათი შედეგი ჯერჯერობით ბუნდოვანია.
მასობრივი ინფორმაციის საშუალებებმა და მსოფლიო ექსპერტებმა არასწორად გაიგეს მსოფლიო ბანკის პრეზიდენტის რობერტს ზელიკის მიერ არც თუ ისე დიდი ხნის წინ გაკეთებული განცხადება. ამის შესახებ 10 ნოემბერს თავად ზელიკმა განაცხადა. მისი სიტყვებით, მას ოქროს სტანდარტზე დაბრუნება არ შემოთავაზებია.
ოკუპირებილი ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი კობა სუბელიანი გაეროში ლათინური ამერიკის ქვეყნების ელჩებს შეხვდა.
დელეგაციის შემადგენლობაში იყვნენ: არგენტინის, პარაგვაის, სურინამის, პერუს, ბრაზილიის და ჰონდურასის რესპუბლიკის მუდმმივი წარმომადგენლები გაეროში.
შეხვედრა წეროვანის დევნილთა დასახლებაში გაიმართა.
2010 წლის 10 ნოემბერს ფინანსთა სამინისტროს სახაზინო ვალდებულებების აუქციონზე 10 000 000 ლარის ნომინალური ღირებულების 182-დღიანი ვადიანობის ფასიანი ქაღალდები გაიყიდა.
მომავალი წლის აპრილში რუსეთში მოღვაწე ქართველი მომღერლის თამარ გვერდწითელის ვარსკვლავის გახსნა იგეგმება. ამის შესახებ "ჯი-ეიჩ-ენს" საქართველოს ხელოვანთა კავშირის პრეზიდენტმა დავით ოქიტაშვილმა განუცხადა.