საქართველოს თავდაცვის მინისტრის მოადგილე ირაკლი ვაშაკიძემ გამართა მოლაპარაკებები დახურულ სხდომაზე პენტაგონში. ვაშაკიძეს შეხვედრა ჩატარდა საქართველოსა და აშშ-ს შორის დადებული სტრატეგიული თანამშრომლობის ხელშეკრულების ფარგლებში.
ინდონეზიურ კუნძულ იავაზე ვულკან „მერაპის“ ამოფრქვევას 190-ზე მეტი ადამიანი ემსხვერპლა. ასეთი განცხადება სტიქიურ უბედურებათა შედეგების ლიკვიდაციის მმართველობის წარმომადგენელმა მუჰამად ანშორიმ გააკეთა. მანამდე 151 დაღუპულის შესახებ იუწყებოდნენ. ინდონეზიის სტიქიურ უბედურებათა შედეგების დაძლევის მმართველობის შეფასებებით 598-მა ადამიანმა სერიოზული ტრავმა მიიღო.
აშშ-ში ფლორიდას შტატის სამხრეთ ნაწილში დაახლოებით 300 სკოლა დაიკეტა. ამის მიზეზი გახლავთ შეტყობინება შესაძლო შეიარაღებული თავდასხმის შესახებ. პოლიციის მოთხოვნით სახლში 257 ათასზე მეტი მოსწავლე დარჩა.
საერთაშორისო ფინანსური მარეგულირებელი ორგანოები თვალყურს მიადევნებენ მსოფლიოს დაახლოებით 20 წამყვანი ბანკის მუშაობას. ფინანსისტებმა უკვე შეადგინეს ყველაზე გავლენიანი ორგანიზაციების სია, რომელთა გაბანკროტებასაც შესაძლოა მთელი მსოფლიო ეკონომიკის შერყევა მოჰყვეს. ნავარაუდევია, რომ მალე ბანკების მეორე ჩამონათვალიც გაჩნდება.
ევროპული ბიუჯეტის ხარჯების დაახლოებით 92% მოკლებულია საფუძველს და წარმოებულია შეცდომებითა და დარღვევებით. ამ დასკვნამდე ევროკავშირის საანგარიშო პალატის აუდიტორები მივიდნენ. სულ უსაფუძვლოდ აღიარებულ იქნა 5 მლრდ ევროს ოდენობის ხარჯები.
2011 წლის 1 იანვრიდან კომპანია Google ყველა თავის თანამშრომელს ხელფასს 10%-ით გაუზრდის. ასეთი გადაწყვეტილების მიღება Google-ის ხელმძღვანელობას მკაცრი კონკურენციის გამო მოუწია.