თბილისში საერთაშორისო სტანდარტების სტომატოლოგიური კლინიკა გაიხსნა. პაციენტები სტომატოლოგიური მომსახურების ფართო სპექტრს მიიღებენ.

ახალი კლინიკა „დენტო კლუბი“ ყაზბეგის პროსპექტზეა განლაგებული. დღეს იგი დედაქალაქის მერმა გიგი უგულავამ მოინახულა. კლინიკა თანამედროვე ტექნიკითაა აღჭურვილი. დაყენებულია ლაზერული აპარატიც, რომელიც ქართულ სტომატოლოგიაში ინოვაციას წარმოადგენს.

კლინიკა ახალი სახის მომსახურებებსაც გვთავაზობს. აუცილებლობის შემთხვევაში, სტომატოლოგები, პორტატიულ ბორმანქანასა და რენტგენთან ერთად, მოქალაქეთა მომსახურებას ბინაზე მისვლით შეძლებენ. კლინიკაში სპეციალური საბავშვო განყოფილებაც ფუნქციონირებს.