Translation tool beta version. Translation quality may be not a good
| საზოგადოება: „ოქროს პერგამენტი“ ნომინაციაში წლის პოლიტიკოსი საქართველოში ირაკლი ალასანიას გადაეცა |  | Georgian News | |
 გუშინ, 24 დეკემბერს, თბილისში კომპანია „ბაგრატიონის“ დარბაზში ყოველწლიურ პრემია „ოქროს პერგამენტის“ გადაცემის საზეიმო ცერემონია გაიმართა. ნომინაციაში „წლის პოლიტიკოსი“ ჯილდო „თავისუფალი დემოკრატების“ ლიდერს ირაკლი ალასანიას გადაეცა, იტყობინება “GHN“. „ოქროს პერგამენტი - 2011“-ის ლაურეატები შემდეგ ნომინაციებში დასახელდნენ: წლის ადამიანი, პოლიტიკოსი, ბიზნესმენი, ხელოვნების მოღვაწე, ჟურნალისტი, სპორტსმენი, წლის პროექტი, კომპანია, ბრენდი, კომუნიკატორი, უცხოური კომპანია და „ოქროს ლაურეატის“ საპატიო ლაურეატი.გამარჯვებულები არჩეულ იქნნენ გამოკვლევის საფუძველზე, რომელიც საკონსულტაციო ჯგუფ „GCG“-მა საინფორმაციო სააგენტო „GHN“-ის მხარდაჭერით ჩატარდა. სულ 2986 რესპონდენტი გამოიკითხა. გამოკითხვა მთელი საქართველოს მასშტაბით ტარდებოდა და მასში ყველა სოციალური ფენის ადამიანები მონაწილეობდნენ. „ჩვენ შევეცადეთ საქართველოს, ფაქტობრივად, ყველა რეგიონის ხალხი გამოგვეკითხა. გამოიყო, ფაქტობრივად, ყველა ასაკობრივი კატეგორიისა და სოციალური ფენის ასაკობრივი ჯგუფი. ერთადერთი ნომინაცია, რომელშიც გამოკითხულებს თავისი რჩეულის დასახელება თავისუფალ რეჟიმში შეეძლოთ, „წლის ადამიანი“ იყო. სხვა ნომინაციებში ანკეტაში წარმოდგენილები იყვნენ წინასწარი რეიტინგით არჩეული კანდიდატები“, - თქვა „GHN“-ის დირექტორმა გოჩა მირცხულავამ. მისი თქმით, რესპონდენტთა რაოდენობა შემდეგნაირად გადანაწილდა: თბილისი - 42%, კახეთი - 9%, ქვემო ქართლი - 7%. შიდა ქართლი - 6%, იმერეთი - 10%, სამეგრელო - 10%, გურია - 3%, მცხეთა მთიანეთი - 3%, აჭარა - 10%. რაც შეეხება გამოკითხულთა სოციალურ მდგომარეობას, მირცხულავას თქმით, აქ შემდეგი სტატისტიკაა: სტუდენტები - 10%, დასაქმებულები - 29%, თვითდასაქმებულები - 23%, უმუშევრები - 24%, პენსიონერები - 14%. გამოკითხულთა შორის 53% ქალები, ხოლო 47% - მამაკაცებია. Source - GHN
Share to:https://www.aspurcela.ge/asp-News_-_file_-_article_-_sid_-_4210.html
| |||
| Posted by Drakula | 25 Dec 2011, 19:50 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.19 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.