  Translation tool beta version. Translation quality may be not a good
| | საშუალო ხელფასის დინამიკა საქართველოში |  | Business & Economics |
 „საქსტატის“ მონაცემებით, 2011 წლის მეორე კვარტალში, წინა წლის ანალოგიურ პერიოდთან შედარებით, საშუალო თვიური ხელფასის დონე სამეწარმეო და არასამეწარმეო დარგებში 13.9%-ით და 13%-ით გაიზარდა. სამეწარმეო სფეროში ყველაზე მაღალანაზღაურებადი პროფესიებია ოპერაციები უძრავ ქონებასთან, იჯარა და მომხმარებლისათვის მომსახურების გაწევა (საშუალო თვიური ხელფასი - 882.9 ლარი), ყველაზე დაბალანაზღაურებადია - თევზეულის რეწვა-მეთევზეობა (საშუალო თვიური ხელფასი - 276.3 ლარი). არასამეწარმეო სფეროში ფინანსური საქმიანობა ყველაზე მაღალანაზღაურებადია (საშუალო თვიური ხელფასი - 1476.3 ლარი), ხოლო განათლება - ყველაზე დაბალანაზღაურებადი (საშუალო თვიური ხელფასი - 308.2 ლარი).
|
|
Posted by Drakula | 03 Nov 2011, 20:25 | comments | ეკონომიკა | Score: 0 | Read More... |
| |
| | საქართველოს საბანკო სექტორის წმინდა მოგება იანვარ-სექტემბერში 2.3-ჯერ გაიზარდა | | Business & Economics |
 2011 წლის იანვარ-სექტემბერში საქართველოს საბანკო სექტორმა 215 მლნ ლარის (ეროვნული ბანკის კურსის მიხედვით 130.3 მლნ დოლარის) ოდენობის წმინდა მოგება მიიღო. შარშან კი ეს მაჩვენებელი 95.3 მლნ ლარს (1 დოლარი - 1.65 ლარი) შეადგენდა, იტყობინება ეროვნული ბანკი. 2011 წლის სექტემბრის შედეგებით წმინდა მოგებამ 33 მლნ ლარი შეადგინა (23.6 მლნ ლარი 2010 წლის სექტემბერში). 2011 წლის 1 ოქტომბრისთვის კომერციული ბანკების ერთობლივმა აქტივებმა 11 მლრდ 975.7 მლნ ლარი შეადგინა, რაც 2010 წლის 1 ოქტომბრისთვის არსებულ მაჩვენებელთან შედარებით 206.5 მლნ ლარით მეტია.
|
|
Posted by Drakula | 03 Nov 2011, 20:24 | comments | ეკონომიკა | Score: 0 | Read More... |
| |
| | საქართველოში ლუდის იმპორტი 20 ქვეყნიდან წარმოებს | | Business & Economics |
 სტატისტიკური მონაცემების თანახმად, საქართველოში ლუდის იმპორტი 20 ქვეყნიდან წარმოებს, აქედან უმსხვილესი იმპორტიორი უკრაინაა. ამ ქვეყნიდან 2011 წლის 6 თვის განმავლობაში 1 373.0 ათასი ტონა ლუდის იმპორტი განხორციელდა. მეორე ადგილზეა თურქეთი 1 064.0 ათასი ტონით, შემდეგ მოდის რუსეთი 557.6 ათასი ტონა ლუდით. გერმანიიდან ლუდის იმპორტმა 349.7 ათასი ტონა შეადგინა, ნიდერლანდებიდან - 224.0 ათასი ტონა, ჩეხეთიდან - 175.5 ათასი ტონა, რუმინეთიდან - 44.8 ათასი ტონა, დანიიდან - 35.7 ათასი ტონა. საქართველოში ლუდის იმპორტი ხდება ასევე ავსტრიიდან, სომხეთიდან, ბელგიიდან, ესპანეთიდან, მექსიკიდან და გაერთიანებული სამეფოდან. ორი ქვეყნიდან საქართველოში საერთო ჯამში 3 900.6 ათასი ტონა ლუდი შემოდის.
|
|
Posted by Drakula | 03 Nov 2011, 20:22 | comments | ეკონომიკა | Score: 1.5 | Read More... |
| |
| | რუსული ბაზარი საქართველოსთვის არასაიმედოა - პრემიერი | | Business & Economics |
 რუსული ბაზარი არასაიმედოა იმ შემთხვევაშიც კი, თუ იგი ქართული პროდუქციისთვის ღია იქნება, განუცხადა ჟურნალისტებს საქართველოს პრემიერ-მინისტრმა ნიკა გილაურმა. ქართული მთავრობის უფროსმა წარმოადგინა ათი პუნქტიდან შემდგარი 2011-2015 წლების ქვეყნის სტრატეგიული განვითარების გეგმის ძირითადი მიმართულებები. აღნიშნული გეგმა ითვალისწინებს ქვეყანაში მოდერნიზაციას, სამუშაო ადგილების შექმნასა და უმუშევრობის შემცირებას.
|
|
Posted by Drakula | 02 Nov 2011, 19:13 | comments | ეკონომიკა | Score: 0 | Read More... |
| |
| | საქართველოსა და რუსეთს შორის საზღვარზე საქონელბრუნვის მონიტორინგი შვეიცარიის ეგიდით განხორციელდება | | Business & Economics |
 საქართველოსა და რუსეთს შორის სახელმწიფო საზღვარზე ტვირთების გადაადგილების მონიტორინგი შვეიცარიის ეგიდით განხორციელდება. ამის შესახებ გუშინ, 1 ოქტომბერს, ჟურნალისტებს საქართველოს საგარეო საქმეთა მინისტრის მოადგილემ სერგი კაპანაძემ განუცხადა, რომელიც რუსეთის ფედერაციის მსოფლიო სავაჭრო ორგანიზაციაში შესვლის საკითხის თაობაზე მოლაპარაკებებზე ქართული დელეგაციის ხელმძღვანელი გახლავთ. მან განაცხადა, რომ აღნიშნული საკითხი 31 ნოემბერს ბათუმში საქართველოსა და შვეიცარიის პრეზიდენტების - მიხეილ სააკაშვილისა და მიშლინ კალმი-რეის გამართული შეხვედრის მსვლელობაში დაზუსტდა.
|
|
Posted by Drakula | 02 Nov 2011, 19:09 | comments | ეკონომიკა | Score: 0 | Read More... |
| |
| | საქართველოს სადაზღვევო ბაზარზე ახალ რეგულაციას დააწესებენ | | Business & Economics |
 საქართველოს ეროვნული ბანკი სადაზღვევო ბაზარზე გამჭვირვალობის გაზრდას მოითხოვს და ამ მიზნით ახალი ინიციატივით გამოდის. როგორც ეროვნული ბანკის პრეზიდენტმა გიორგი ქადაგიძემ განაცხადა, 2012 წლიდან სადაზღვევო კომპანიებს ყოველთვიური ანგარიშების წარმოდგენა მოუწევთ. მისივე თქმით, ეს ნაბიჯი კიდევ უფრო გაზრდის გამჭვირვალობის დონეს სადაზღვევო სექტორში, რაც, თავის მხრივ, კომპანიების მიმართ მოსახლეობის ნდობას გაზრდის.
|
|
Posted by Drakula | 01 Nov 2011, 20:32 | comments | ეკონომიკა | Score: 0 | Read More... |
| |
|
ევროპაში მიმდინარე ეკონომიკური კრიზისი საქართველოზე ორმაგად აისახება. საქართველოში საერთაშორისო სავალუტო ფონდის წარმომადგენლის ედვარდ გარდნერის თქმით, ეკონომიკურ კრიზისს საქართველოზე ორმხრივი გავლენა ექნება.
ინფრასტრუქტურის ობიექტების მშენებლობაზე ყოველწლიურად 30 000 ადამიანი დასაქმდება, - განაცხადა გუშინ, 31 ოქტომბერს, გამართულ ვიდეოკონფერენციაზე საქართველოს პრემიერ-მინისტრმა ნიკა გილაურმა. „ინფრასტრუქტურის ობიექტების სამშენებლო სამუშაოებზე 2012-2015 წლებში ყოველწლიურად 30 000 ადამიანი დასაქმდება. ისინი სამუშაო ადგილებს გზების, ჰესებისა და სხვა ობიექტების აშენების შემდეგაც შეინარჩუნებენ“, - ხაზი გაუსვა პრემიერმა.
„ბორჯომი“ უკვე მსოფლიოს 40 ქვეყანაში იყიდება. ამის შესახებ კომპანიის პრეს-სამსახურმა განაცხადა. ქართული მინერალური წყლის მომხმარებელთა შორისაა პოსტსაბჭოთა სივრცის, აღმოსავლეთ და დასავლეთ ევროპის ქვეყნები და ახალი ზელანდიაც კი.
ეკონომიკური თავისუფლების აქტის შესაბამისად, 2014 წლიდან ბიუჯეტის დეფიციტი არ უნდა აჭარბებდეს მშპ-ის 3 პროცენტს. მთავრობის 10-პუნქტიან გეგმაში აღნიშნულია, რომ მთავრობის ამოცანა ის არის, რომ ბიუჯეტის ხარჯები და არაფინანსური აქტივების წილი მშპ-სთან მიმართებაში „მცირე მთავრობის“ ფარგლებში იყოს, რათა საგადასახადო ტვირთი და მთავრობის აქტიურობა არ ზღუდავდეს სივრცეს სამეწარმეო აქტიურობისთვის, კერძო ინიციატივებისა და ინვესტიციებისთვის.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}