Translation tool beta version. Translation quality may be not a good
| მოსკოვში არასლავური გარეგნობის ადამიანებზე ნადირობა გრძელდება |  | World News | |
 მოსკოვში არასლავური გარეგნობის ადამიანებზე ნადირობა გრძელდება. რუსეთის დედაქალაქში უკვე მოკლულია ყირგიზეთის ერთი მოქალაქე და დაჭრილია ერთი აზერბაიჯანელი. რუსი ახალგაზრდების ჯგუფმა მოსკოვის სამხრეთ ადმინისტრაციულ ოლქში ეროვნებით ყირგიზ მამაკაცს ჯერ სცემა შემდეგ კი ცივი იარაღით მოკლა. "ახალგაზრდების ჯგუფი, დაახლოებით 15 ადამიანი, რომელთა შორისაც ერთი ქალი იყო, ყოველგვარი მიზეზის გარეშე, მოულოდნელად თავს დაესხა ქუჩაში მიმავალ აზიური გარეგნობის მამაკაცს. იგი ჯერ სასტიკად სცემეს, შემდეგ კი მუცლის არეში დანით ჭრილობა მიაყენეს, რომლის შედეგადაც მამაკაცი გარდაიცვალა", _ იუწყება რუსული მედია მოსკოველ სამართალდამცავებზე დაყრდნობით. მათივე ინფორმაციით, მოკლული ყირგიზეთის ქალაქ ოშის მაცხოვრებელი 1973 წელს დაბადებული ალიშერ შამილევ აღმოჩნდა. მისი მკვლელობის ფაქტზე აღძრულია სისხლის სამართლის საქმე. მუხლი 15 წლით თავისუფლების აღკვეთას ითვალისწინებს. ამას გარდა, მოსკოვში ასევე დაფიქსირებულია სხვა შემთხვევებიც, რომლებიც არასლავური გარეგნობის ადამიანებზე თავდასხმას ეხება. სამი უცნობი ადამიანი თავს დაესხა და ტრავმატული იარაღიდან დაცხრილა აზერბაიჯანის მოქალაქე. "წუხელ, დაახლოებით ღამის 04:00 საათზე 24 საათიან მაღაზიაში სამი უცნობი ადამიანი შევიდა და 28 წლის გამყიდველს, აზერბაიჯანის მოქალაქეს თავს დაესხა. ერთ-ერთმა თავდამსხმელმა კი მას ტრავმატული იარაღიდან 7 ჯერ მიბჯენით ესროლა", _ იუწყება რუსული მედია. ამჟამად აზერბაიჯანის მოქალაქე, მძიმე მდგომარეობაში ჰოსპიტალიზებულია, მას გულმკერდისა და მარჯვენა მხარის არეში მრავლობითი ჭრილობები აქვს მიყენებული. ფაქტზე ასევე აღძრულია სისხლის სამართლის საქმე და მიმდინარეობს გამოძიება. Source - GHN
Share to:https://www.aspurcela.ge/asp-News_-_file_-_article_-_sid_-_700.html
| |||
| Posted by Legatuss | 13 Dec 2010, 11:19 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 1  |
|
 |
|
 |
[ Page Generation: 0.16 Seconds | Memory Usage: 5.07 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.