Translation tool beta version. Translation quality may be not a good
| სპორტი: საქართველოში წლის საუკეთესო სპორტსმენად მამუკა გორგოძე დასახელდა |  | Georgian News | |
 საქართველოს სპორტისა და ახალგაზრდობის საქმეთა სამინისტრომ გასული სპორტული სეზონის შედეგები შეაჯამა და საუკეთესო სპორტსმენები დააჯილდოვა. როგორც მინისტრმა ლადო ვარძელაშვილმს განაცხადა, „2011 წელი ქართული სპორტისთვის ძალიან წარმატებული იყო, თუმცა 2012 კიდევ უფრო წარმატებული უნდა იყოს“.„მიმდინარე წელს საქართველოში 1734 სპორტული შეჯიბრი გაიმართა, რომლებშიც 124 236 სპორტსმენმა მიიღო მონაწილეობა. უფრო დიდ წარმატებას მიაღწიეს ქართველმა კალათბურთელებმა ევროპის ჩემპიონატზე, სადაც 12 საუკეთესოთა შორის დასახელდნენ. ასევე აუცილებელია აღინიშნოს საქართველოს რეგბის ნაკრების წარმატებული გამოსვლა მსოფლიოს ჩემპიონატზე მიმდინარე წელს. არანაკლებ წარმატებით გამოვიდნენ ჩვენი მშვილდით მსროლელნი, თავისუფალი სტილით მოჭიდავეები, სამბისტები, ძიუდოისტები, არმრესტლერები. შედეგად წარმატებული წელი გამოვიდა, თუმცა 2012 წელს ჩვენ მეტი ჯილდოს მოპოვებას ვგეგმავთ“, - განაცხადა ვარძელაშვილმა. გუშინ, 28 დეკემბერს, გამართულ ღონისძიებაზე დასახელდნენ საუკეთესო სპორტსმენები რვა ნომინაციაში. წლის საუკეთესო სპორტსმენად რეგბისტი მამუკა გორგოძე დასახელდა; საუკეთესო გუნდის ტიტული საქართველოს კალათბურთის ნაკრებს მიენიჭა; საუკეთესო ყველაზე ახალგაზრდა სპორტსმენის ჯილდო ვლადიმერ ხიმჩეგაშვილს გადაეცა; წლის პარასპორტსმენად ნიკოლოზ თვაური დასახელდა, რომელმაც არაოლიმპიურ შეჯიბრში, ცურვის ევროპის ჩემპიონატზე ბრინჯაო მოიპოვა. ასევე დასახელდნენ 2011 წლის საუკეთესო მსაჯები და სპორტული მენეჯერები, ასევე სპორტსმენები, რომლებმაც სპორტის 10 სახეობაში საუკეთესო შედეგები მიიღეს. Source - Грузия Online
Share to:https://www.aspurcela.ge/asp-News_-_file_-_article_-_sid_-_4237.html
| |||
| Posted by Drakula | 29 Dec 2011, 23:48 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 1  |
|
 |
|
 |
[ Page Generation: 0.08 Seconds | Memory Usage: 4.74 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.