Translation tool beta version. Translation quality may be not a good
| მეცნიერება-ტექნოლოგიები: კლიმატოლოგებმა ადამიანი დედამიწაზე დათბობაში დაადანაშაულეს |  | World News | |
 შვეიცარელმა კლიმატოლოგებმა დაადგინეს, რომ ადამიანი პლანეტაზე საშუალო ტემპერატურის მიმდინარე გაზრდის, სულ ცოტა, სამ მეოთხედზე მაინც არის პასუხისმგებელი. მეცნიერთა სტატია გამოქვეყნდა ჟურნალ Nature Geoscience-ში, ხოლო მისი მოკლე მიმოხილვა მოყვანილია Nature News-ში. გამოკვლევის ფარგლებში მეცნიერებმა მანამდელი სამუშაოებისაგან პრინციპულად განსხვავებული მიდგომა გამოიყენეს. მეთოდის საფუძვლად მეცნიერებმა ენერგიის შენარჩუნების კანონი ჩადეს. სხვადასხვა პარამეტრების მქონე საშუალო სირთულის კლიმატურ მოდელებზე დიდი რაოდენობის (რამდენიმე ათასი) ტესტის საშუალებით მათ დაადგინეს კავშირი ანტროპოგენულ დათბობასა და პლანეტის ენერგეტიკულ ბალანსში ცვლილებებს შორის.წინა სამუშაოები პლანეტის სხვადასხვა რეგიონში დათბობის სურათების რთულ სტატისტიკურ ანალიზს ეფუძნებოდა. მეცნიერთა თქმით, მათმა მეთოდმა, შედარებითი სიმარტივის პირობებში, კარგი შეთანხმებულობა არა მხოლოდ დაკვირვებების მონაცემებთან, არამედ სხვა კომპიუტერული მოდელების შედეგებთანაც აჩვენა. ამას გარდა, მათ შეძლეს იმის დადგენა, რომ დათბობა შეიძლებოდა ყოფილიყო ბევრად უფრო ძლიერი - ადამიანური ზემოქმედების მნიშვნელოვანი ნაწილი (დაახლოებით ნახევარი) მინიმუმამდე დაიყვანა დისპერსიული ნაწილაკების რაოდენობის ზრდამ ატმოსფეროს ზედა შრეებში, რომლებიც მზის შუქს ირეკლავს. 2011 წლის ნოემბრის შუა რიცხვებში Nature-ში აშშ-ისა და კანადის მეცნიერთა სტატია გამოქვეყნდა. მისი ავტორები აჩვენებდნენ, რომ გაუტყეურებას ზედა განედებში არა მხოლოდ დათბობის, არამედ ლოკალური აცივების გამოწვევაც შეუძლია. ამასთან, ხეების რაოდენობის შემცირებით გამოწვეული საერთო ეფექტი გათვალისწინებული არ ყოფილა. Source - day.az
Share to:https://www.aspurcela.ge/asp-News_-_file_-_article_-_sid_-_4088.html
| |||
| Posted by Drakula | 06 Dec 2011, 19:40 | News » | |||
facebook
tweeter
buzz
stumbleupon
myspace
 |
 |
 |
|
Article Rating | |
 |
|
 |
|
Votes: 0 |
|
 |
|
 |
[ Page Generation: 0.16 Seconds | Memory Usage: 5.08 MB ]
Copyright © 2007-2009 www.aspurcela.ge. All rights reserved.
Terms of use.
Privacy policy.
![[News Feed]](images/powered/feed_20_news.png "News Feed"){kind=small}
![[Forums Feed]](images/powered/feed_20_forums.png "Forums Feed"){kind=small}
![[Downloads Feed]](images/powered/feed_20_down.png "Downloads Feed"){kind=small}
![[Web Links Feed]](images/powered/feed_20_links.png "Web Links Feed"){kind=small}
The comments are owned by the poster. We aren't responsible for their content.